NJU-JORK—Dëshmitarët e Jehovait po shesin disa nga pronat më të kërkuara në Dumbo dhe Brooklyn Heights në Bruklin, Nju-Jork. Kanë filluar ofertat për një nga zonat më të mëdha të pashfrytëzuara në Bruklin, 85 Jay Street, dhe për godinën 10-katëshe të banimit në 124 Columbia Heights. Gjithashtu është në shitje godina e selisë së tyre botërore në 25/30 Columbia Heights. Tri pronat janë vënë në shitje nga Zyra e Pronave të Paluajtshme Watchtower dhe pritet që secila të shitet më vete.

Riçard Devajni, zëdhënës i Dëshmitarëve të Jehovait, flet për truallin prej 12.542 m² në 85 Jay Street: «Trualli zë një bllok të tërë qyteti në lagjen plot gjallëri të Dumbos, ku është dhënë miratimi për një sipërfaqe ndërtimi prej më shumë se 90.000 m².»

Godina e banimit prej 14.121 m² në 124 Columbia Heights ndodhet në shëtitoren e zonës së njohur historike Brooklyn Heights. Z. Devajn pohon: «Është një ndërtesë shumë e bukur me pamje mahnitëse nga ura e Bruklinit, Statuja e Lirisë dhe në horizont sheh Manhatanin e Poshtëm mbresëlënës.»

25/30 Columbia Heights (figura lart) ka qenë adresa e selisë botërore e Dëshmitarëve të Jehovait prej dekadash dhe për shumë njujorkezë është e njohur për tabelën Watchtower që tregon orën. Ndërtesa që zë një sipërfaqe mbi 68.000 m², mbulon gati dy blloqe qyteti dhe ofron një pamje të plotë të urës së Bruklinit.

Duke folur për planin e madh të Dëshmitarëve, z. Devajn shton: «Këto shitje janë hapi tjetër drejt zhvendosjes së selisë sonë botërore në Uoruik, Nju-Jork.»

Zëdhënësi(t) për mediat:

David Semoniani, Zyra e Informacionit Publik, tel. +1 718 560 5000