NJU-JORK—Banorët e Teksasit në SHBA po marrin veten nga pasojat e uraganit Harvey, i cili më 25 gusht 2017 goditi bregun e Korpus Kristit. Dy Komitete Ndihme në Rast Katastrofash po drejtojnë dhënien e ndihmës për mijëra vëllezërit e motrat e prekur.

Më tepër se 7.000 vullnetarë kanë marrë pjesë në pastrimin fillestar, ku përfshiheshin 2.300 shtëpi të lajmëtarëve. Çdo javë rreth 1.000 vullnetarë po ndihmojnë me punën e meremetimit, që sa vjen e shtohet. Deri tani ata kanë meremetuar 48 Salla Mbretërie, ndërsa për muajt vijues janë programuar të riparohen mbi 545 shtëpi. Është përllogaritur se vetëm në këtë zonë puna e riparimit do të kushtojë 8,5 milionë dollarë dhe do të përfundojë më 30 qershor 2018.

Që prej fundit të gushtit 2017, 22 përfaqësues dege, 7 prej të cilëve anëtarë komiteti, kanë vizituar zonat e prekura nga katastrofa, për t’u dhënë forcë e ngushëllim nga Bibla lajmëtarëve të prekur. Lutemi që Jehovai t’u japë forcë për të kryer këtë punë të gjithë atyre që po ndihmojnë.—Nehemia 6:9.

Zëdhënësi për mediat:

Dejvid Semoniani, Zyra e Informacionit Publik, +1-845-524-3000