Më 29 tetor 2024, reshje të rrëmbyeshme papritur përmbytën zona të Spanjës Juglindore. Disa zona në provincën e Valencias raportuan se pësuan sasinë e reshjeve të një viti të tërë brenda vetëm 8 orësh. Për shembull, në qytetin e Turisit ra rreth 64 centimetra shi. Përmbytjet shkatërruese dhe rrëshqitjet e dheut mbuluan shumë qytete me baltë dhe morën me vete rrugë e ura. Mijëra njerëz kanë mbetur pa ushqim, ujë dhe energji elektrike. Të paktën 217 persona humbën jetën dhe shumë të tjerë raportohen ende të zhdukur.

• Mjerisht, një motër 77-vjeçare humbi jetën

• 19 lajmëtarë janë evakuar ose janë shpërngulur

• 1 shtëpi u shkatërrua

• 21 shtëpi pësuan dëme të mëdha

• 27 shtëpi pësuan dëme të vogla

• 157 lajmëtarë humbën automjetet personale në përmbytje

• 3 Salla Mbretërie pësuan dëme të mëdha

• Përfaqësues të degës, mbikëqyrës qarkorë dhe pleq vendës po u japin zemër nga Shkrimet, ngushëllim dhe ndihmë praktike vëllezërve e motrave

• Është ngritur 1 Komitet i Ndihmës në Rast Katastrofash për të organizuar punën për dhënien e ndihmës

• Në zona më të sigurta, vëllezërit dhe motrat kanë hapur me dashuri shtëpitë e tyre për të ofruar strehim të përkohshëm për bashkëbesimtarët e prekur nga përmbytjet

Zemrat tona bashkohen me dhimbjen e të gjithë atyre që janë prekur nga përmbytjet katastrofike në Spanjë. Na ngushëllon dhe na jep kurajë premtimi i Biblës se, në kohë vështirësish, të gjithë ata që e bëjnë Jehovain forcën dhe fuqinë e tyre, ‘s’do të kenë frikë’.—Isaia 12:2.