HORLIVKA—Sallë Mbretërie e zaptuar nga milicia.

• Nga fundi i qershorit 2014, burra të armatosur hynë me forcë në një Sallë Mbretërie, vodhën pajisjet elektronike dhe vunë dryna të rinj. E përdorin sallën si kazermë ushtarake.

HORLIVKA—Sallë Mbretërie e zaptuar nga milicia.

• Më 5 korrik 2014, burra të armatosur zaptuan Sallën e Mbretërisë. Ata e përdorën si kazermë ushtarake dhe si depo municionesh, por e braktisën në shtator të 2014-s. Dëshmitarët u rikthyen dhe e përdorën Sallën e Mbretërisë për mbledhjet e tyre fetare.

• Më 12 tetor 2014, burra të armatosur ndërprenë një shërbesë fetare në Sallën e Mbretërisë dhe i urdhëruan gjithë të pranishmit t’i ndërpritnin aktivitetet e tyre fetare. Ata thanë se feja ortodokse është e vetmja fe e lejuar në rajon dhe se së shpejti «do t’i hiqnin qafe të gjithë Dëshmitarët e Jehovait». Burrat e përdorin Sallën e Mbretërisë si kazermë ushtarake.

DONJECK—Sallë Mbretërie e zaptuar nga milicia.

• Më 13 gusht 2014, burra të armatosur hynë me forcë në Sallën e Mbretërisë dhe nisën ta përdornin si kazermë ushtarake.

• Më 19 gusht 2014, ata vodhën pajisjet e akustikës dhe e braktisën godinën. Dëshmitarët u kthyen dhe nisën ta përdornin sërish Sallën e Mbretërisë për mbledhjet e tyre fetare.

• Më 18 tetor 2014, pas një shërbese fetare, përfaqësues të batalionit të katërt «Oplot» hynë në Sallën e Mbretërisë dhe u thanë Dëshmitarëve të pranishëm se do ta merrnin ata.

• Më 18 nëntor 2014, burra të armatosur u kërkuan Dëshmitarëve të firmosnin dokumente për ta kaluar Sallën e Mbretërisë në pronësi të zyrës së komandantit të krahinave Petrovskij dhe Kirovskij. Ata e përdorin ndërtesën si kazermë ushtarake.

HORLIVKA—Sallë Mbretërie e zaptuar nga civilë.

• Më 30 shtator 2014, një stacion televiziv vendës intervistoi «pronarin e ri» të kësaj Salle Mbretërie, i cili tha se u ishte marrë Dëshmitarëve të Jehovait që të përdorej si shkollë boksi. Që nga viti 2013, kjo Sallë Mbretërie është bërë objekt i sulmeve të përsëritura të vandalizmit e të zjarrvënies. Për herë të fundit u përpoqën t’i vinin zjarrin më 5 qershor 2014.

DONJECK—Sallë Mbretërie e zaptuar nga milicia.

• Më 26 tetor 2014, burra të armatosur nga batalioni «Shahtar» i Republikës Popullore të Donjeckut (RPD) mësynë në Sallën e Mbretërisë, dhe tani e përdorin si kazermë ushtarake.

ZHDANIVKA—Sallë Mbretërie e zaptuar nga milicia.

• Më 27 tetor 2014, në bazë të urdhrit të një komandanti, burra nga grupi i armatosur i Horlivkas zaptuan Sallën e Mbretërisë. Nënkomandanti i Horlivkas tha se feja ortodokse është e vetmja fe e lejuar në rajon dhe gjithë të tjerat janë të ndaluara.

• Më 21 nëntor 2014, komandanti i skuadrës së një grupi tjetër të armatosur mori nën kontroll Sallën e Mbretërisë dhe u tha Dëshmitarëve të Jehovait se tani do të kujdeseshin vartësit e tij për sallën.

TELMANOVE—Sallë Mbretërie e zaptuar nga milicia.

• Më 4 nëntor 2014, burra të armatosur hynë me forcë në godinë dhe vunë roja të armatosura.

• Më 11 dhjetor 2014, burrat sollën municione në godinë dhe tani e përdorin si kazermë ushtarake.

MAKIJIVKA—Sallë Mbretërie e zaptuar nga milicia, por më pas u braktis.

• Më 5 nëntor 2014, burra të armatosur nga batalioni «Rus» hynë me forcë në Sallën e Mbretërisë. Ata i urdhëruan Dëshmitarët t’u dorëzonin çelësat e sallës dhe të mos ktheheshin më. Të nesërmen, nënkomandanti hoqi tabelën e Sallës së Mbretërisë dhe në vend të saj vuri flamurin e batalionit.

• Më 26 nëntor 2014, batalioni e braktisi godinën.

HORLIVKA—Sallë Mbretërie e zaptuar nga milicia, por më pas u braktis.

• Më 29 nëntor 2014, burra të armatosur hynë në Sallën e Mbretërisë dhe u thanë Dëshmitarëve të pranishëm se do ta merrnin ata. Një nga burrat tha se qeveria e RPD-së do të lejonte vetëm fenë ortodokse në atë rajon. Burrat e vunë godinën nën mbikëqyrje të armatosur dhe i ndaluan Dëshmitarët të ktheheshin. Të nesërmen, burrat e braktisën ndërtesën.

ZUGRES—Sallë Mbretërie e zaptuar nga milicia.

• Më 20 dhjetor 2014, komandanti i qytetit tha se do ta merrte ai nën kontroll godinën. I urdhëroi Dëshmitarët t’i jepnin çelësat e sallës dhe të mos ktheheshin më.

DONJECK—Sallë Mbretërie e zaptuar nga milicia.

• Më 1 shkurt 2015, burra të armatosur hynë në Sallën e Mbretërisë. Ata u kërkuan Dëshmitarëve t’u jepnin çelësat e sallës dhe të firmosnin dokumente për t’ia kaluar pronësinë e sallës milicisë gjatë periudhës së luftës.

JENAKIJEVE—Sallë Mbretërie e zaptuar nga milicia.

• Më 3 mars 2015, burra të armatosur u kërkuan Dëshmitarëve të Jehovait t’u jepnin çelësat e Sallës së Mbretërisë që ta përdornin si kazermë ushtarake.

ANTRACIT—Sallë Mbretërie e zaptuar nga civilë.

• Në shtator të 2014-s, individë të paidentifikuar hynë me forcë në Sallën e Mbretërisë dy herë. Ata vodhën pajisje elektronike dhe shkruan në mur «Kozakët ortodoksë!»

• Më 25 shtator 2014, një kanal televiziv vendës raportoi se Sallat e Mbretërisë të Dëshmitarëve të Jehovait ishin zaptuar për t’u përdorur për funksione të tjera, si për shembull kopshte fëmijësh.

ROVENKI—Sallë Mbretërie e zaptuar nga milicia.

• Më 23 shtator 2014, burra të armatosur nga batalioni «Shën Gjergji» hynë me forcë në Sallën e Mbretërisë dhe i ndaluan Dëshmitarët të ktheheshin. Burrat e armatosur e përdorin si kazermë ushtarake.

PEREVALSK—Sallë Mbretërie e zaptuar nga milicia.

• Më 5 nëntor 2014, burra të armatosur të udhëhequr nga nënkomandanti ushtarak, hynë në godinë dhe u thanë Dëshmitarëve të pranishëm se do ta merrnin sallën për ta përdorur si mensë. Nënkomandanti deklaroi: «Mori fund gjithçka për Dëshmitarët e Jehovait.» Më pas, u tha Dëshmitarëve se nuk mund t’i kryenin më veprimtaritë e tyre fetare.

KRASNIJ LUÇ—Sallë Mbretërie e zaptuar nga milicia.

• Më 5 dhjetor 2014, burra të armatosur hynë me forcë në Sallën e Mbretërisë. Ata e vunë godinën nën mbikëqyrje të armatosur dhe i parkuan makinat ushtarake në oborr.

BRIANKA—Sallë Mbretërie e zaptuar nga milicia.

• Më 26 mars 2015, burra të armatosur hynë me forcë në këtë Sallë Mbretërie. Ata i morën të gjitha orenditë në godinë dhe e zëvendësuan tabelën e Sallës së Mbretërisë me një tjetër ku shkruhej «I plotfuqishmi Don Host».