13 DHJETOR 2016
UKRAINË
Zaptohen Salla Mbretërie të Dëshmitarëve të Jehovait në rajonet Donjeck dhe Luhansk të Ukrainës
Rajoni i Donjeckut
HORLIVKË—Sallë Mbretërie e zaptuar nga milicia.
Nga fundi i qershorit 2014 burra të armatosur hynë me forcë në një Sallë Mbretërie në rrugën Viliamsa Akademika 3A, vodhën pajisjet elektronike dhe vunë dryna të rinj. E përdorën si kazermë ushtarake.
Më 13 prill 2015 ndërtesa iu rikthye Dëshmitarëve të Jehovait.
Qyteti Horlivkë, rruga Akademika Koroliova 75
HORLIVKË—Sallë Mbretërie e zaptuar nga milicia.
Më 5 korrik 2014 burra të armatosur zaptuan Sallën e Mbretërisë. Ata e përdorën si kazermë ushtarake dhe si depo municionesh, por e braktisën në shtator të 2014-s. Dëshmitarët u rikthyen dhe e përdorën Sallën e Mbretërisë për mbledhjet e tyre fetare.
Më 12 tetor 2014 burra të armatosur ndërprenë një shërbesë fetare në Sallën e Mbretërisë dhe i urdhëruan gjithë të pranishmit t’i ndërpritnin aktivitetet fetare. U thanë se feja ortodokse është e vetmja fe e lejuar në rajon dhe se, së shpejti, «do t’i hiqnin qafe të gjithë Dëshmitarët e Jehovait». Ata e përdorin Sallën e Mbretërisë si kazermë ushtarake.
Qyteti Donjeck, rruga Karamzina 10
DONJECK—Sallë Mbretërie e zaptuar nga milicia.
Më 13 gusht 2014 burra të armatosur hynë me forcë në Sallën e Mbretërisë dhe nisën ta përdornin si kazermë ushtarake.
Më 19 gusht 2014 vodhën pajisjet e akustikës dhe e braktisën godinën. Dëshmitarët u kthyen dhe nisën ta përdornin sërish Sallën e Mbretërisë për mbledhjet e tyre fetare.
Më 18 tetor 2014 pas një shërbese fetare, përfaqësues të batalionit të katërt Oplot që hynë në Sallën e Mbretërisë, u thanë Dëshmitarëve të pranishëm se do t’ua merrnin Sallën.
Më 18 nëntor 2014 burra të armatosur u kërkuan Dëshmitarëve të firmosnin dokumente për ta kaluar Sallën e Mbretërisë në pronësi të zyrës së komandantit të krahinave Petrovskij dhe Kirovskij. Ata e përdorin ndërtesën si kazermë ushtarake.
Qyteti Horlivkë, rruga Hertsena 4
HORLIVKË—Sallë Mbretërie e zaptuar nga civilë.
Më 30 shtator 2014 një stacion televiziv vendës intervistoi «pronarin e ri» të kësaj Salle Mbretërie, i cili tha se u ishte marrë Dëshmitarëve të Jehovait që të përdorej si shkollë boksi. Që nga viti 2013 kjo Sallë Mbretërie është bërë objekt i sulmeve të përsëritura vandalizmi e zjarrvënieje. Për herë të fundit u përpoqën t’i vinin zjarrin më 5 qershor 2014.
DONJECK—Sallë Mbretërie e zaptuar nga milicia.
Më 26 tetor 2014 burra të armatosur nga batalioni Shakhtar i Republikës Popullore të Donjeckut (RPD) mësynë në Sallën e Mbretërisë, dhe tani e përdorin si kazermë ushtarake.
Qyteti Zhdanivkë, rruga Komsomolska 14
ZHDANIVKË—Sallë Mbretërie e zaptuar nga milicia.
Më 27 tetor 2014, në bazë të urdhrit të një komandanti, burra nga grupi i armatosur i Horlivkës zaptuan Sallën e Mbretërisë. Nënkomandanti i Horlivkës tha se feja ortodokse është e vetmja fe e lejuar në rajon dhe se gjithë të tjerat janë të ndaluara.
Më 21 nëntor 2014 komandanti i skuadrës i një grupi tjetër të armatosur mori nën kontroll Sallën e Mbretërisë dhe u tha Dëshmitarëve të Jehovait se tani do të kujdeseshin vartësit e tij për të.
Më 20 nëntor 2015 burrat e armatosur e braktisën ndërtesën dhe Dëshmitarët e Jehovait e rimorën.
Fshati Telmanove, rruga Pervomaiska 112
TELMANOVE—Sallë Mbretërie e zaptuar nga milicia.
Më 4 nëntor 2014 burra të armatosur hynë me forcë në godinë dhe vunë roja të armatosura.
Më 11 dhjetor 2014 burrat futën municione në godinë dhe tani e përdorin si kazermë ushtarake.
Qyteti Makijivkë, rruga Pecherska 17
MAKIJIVKË—Sallë Mbretërie e zaptuar nga milicia, por më pas e braktisur.
Më 5 nëntor 2014 burra të armatosur nga batalioni Rus hynë me forcë në Sallën e Mbretërisë. Ata i urdhëruan Dëshmitarët t’u jepnin çelësat dhe të mos ktheheshin më. Të nesërmen, nënkomandanti hoqi tabelën «Salla e Mbretërisë» dhe në vend të saj vuri flamurin e batalionit.
Më 26 nëntor 2014 batalioni e braktisi godinën.
HORLIVKË—Sallë Mbretërie e zaptuar nga milicia, e braktisur dhe e zaptuar sërish.
Më 29 nëntor 2014 burra të armatosur hynë në Sallën e Mbretërisë në rrugën Vitchyzniana 105-A dhe u thanë Dëshmitarëve të pranishëm se do t’ua merrnin Sallën. Një nga burrat tha se qeveria e RPD-së do të lejonte vetëm fenë ortodokse në atë rajon. Burrat vunë roja të armatosura në godinë dhe i ndaluan Dëshmitarët të ktheheshin. Të nesërmen, burrat e braktisën ndërtesën.
Më 22 korrik 2016 burra të armatosur hynë sërish në godinë, i urdhëruan të gjithë të pranishmit të dilnin menjëherë dhe e plaçkitën.
Qyteti Zugres, rruga Cherniakhovskoho 1
ZUGRES—Sallë Mbretërie e zaptuar nga milicia.
Më 20 dhjetor 2014 komandanti i qytetit tha se do ta merrte ai nën kontroll godinën. I urdhëroi Dëshmitarët e Jehovait t’i jepnin çelësat e Sallës dhe të mos ktheheshin më.
Më 19 prill 2015 ndërtesa iu kthye Dëshmitarëve.
DONJECK—Sallë Mbretërie e zaptuar nga milicia.
Më 1 shkurt 2015 burra të armatosur hynë në Sallën e Mbretërisë. Ata u kërkuan Dëshmitarëve t’u jepnin çelësat dhe të firmosnin dokumente që pronësia e Sallës t’i kalohej milicisë për periudhën e luftës.
Më 29 shkurt 2016 ndërtesa iu kthye Dëshmitarëve, por duhej riparuar para se të përdorej sërish për mbledhje fetare.
JENAKIJEVE—Sallë Mbretërie e zaptuar nga milicia.
Më 3 mars 2015 burra të armatosur u kërkuan Dëshmitarëve të Jehovait t’u jepnin çelësat e Sallës së Mbretërisë që ta përdornin si kazermë ushtarake.
HORLIVKË—Sallë Mbretërie e zaptuar nga milicia.
Më 25 korrik 2016 burra të armatosur hynë në Sallën e Mbretërisë në rrugën Simferopolska 9, duke thënë se vetëm tri fe lejohen në rajon dhe se kanë si qëllim «t’i çrrënjosin Dëshmitarët e Jehovait».
Rajoni i Luhanskut
Qyteti Antracit, rruga Komunarska 4
ANTRACIT—Sallë Mbretërie e zaptuar nga civilë.
Në shtator të 2014-s individë të paidentifikuar hynë me forcë në Sallën e Mbretërisë dy herë. Ata vodhën pajisje elektronike dhe shkruan në mur «Kozakët ortodoksë!»
Më 25 shtator 2014 një kanal televiziv vendës raportoi se Sallat e Mbretërisë të Dëshmitarëve të Jehovait ishin zaptuar që të përdoreshin për funksione të tjera, si për shembull, kopshte fëmijësh.
Në maj 2015 ndërtesa iu kthye Dëshmitarëve të Jehovait.
Qyteti Rovenki, rruga Dzerzhynskoho 84-A
ROVENKI—Sallë Mbretërie e zaptuar nga milicia.
Më 23 shtator 2014 burra të armatosur nga batalioni St. George hynë me forcë në Sallën e Mbretërisë dhe i ndaluan Dëshmitarët të ktheheshin. Ata e përdorën si kazermë ushtarake.
Në gusht 2015 ndërtesa iu kthye Dëshmitarëve të Jehovait.
PEREVALSK—Sallë Mbretërie e zaptuar nga milicia.
Më 5 nëntor 2014 burra të armatosur të udhëhequr nga nënkomandanti ushtarak, hynë në godinë dhe u thanë Dëshmitarëve se do ta merrnin Sallën për ta përdorur si mensë. Nënkomandanti deklaroi: «Mori fund gjithçka për Dëshmitarët e Jehovait.» Më pas u tha Dëshmitarëve se nuk mund t’i kryenin më veprimtaritë e tyre fetare.
Qyteti Krasnij Luç, rruga Radianska 37
KRASNIJ LUÇ—Sallë Mbretërie e zaptuar nga milicia.
Më 5 dhjetor 2014 burra të armatosur hynë me forcë në Sallën e Mbretërisë. Ata vunë roja të armatosura në godinë dhe i parkuan makinat ushtarake në oborr.
BRIANKË—Sallë Mbretërie e zaptuar nga milicia.
Më 26 mars 2015 burra të armatosur hynë me forcë në këtë Sallë Mbretërie. Ata i morën të gjitha orenditë në godinë dhe e zëvendësuan tabelën «Salla e Mbretërisë» me një tjetër ku shkruhej «I plotfuqishmi Don Host».