Po, Perëndia i ndihmon ata që i kërkojnë sinqerisht gjëra që janë në harmoni me vullnetin e tij. Edhe nëse nuk je lutur ndonjëherë, mund të marrësh zemër nga shembujt biblikë të atyre që u lutën «më ndihmo, o Zot». Për shembull:

•   «Më ndihmo, o Jehova, Perëndia im. Më shpëto sipas dashamirësisë sate.»​—Psalmi 109:26.

•   «Dëgjo, o Jehova, e më jep hir! O Jehova, bëhu ndihma ime!»​—Psalmi 30:10.

 Sigurisht, shkrimtari i këtyre fjalëve kishte besim të fortë te Perëndia. Megjithatë, Perëndia dëgjon të gjithë ata që i afrohen me qëndrimin e duhur, si për shembull ata që janë ‘zemërthyer’ ose e kanë «frymën të dërrmuar».​—Psalmi 34:18.

 Nuk ka pse të druhesh se mos Perëndia është aq i largët sa nuk do t’ia dijë për problemet e tua. Bibla thotë për të: «Ti, o Jehova, je i lartë, e megjithatë i drejton sytë mbi të përulurit, kurse fodullët i njeh nga larg.» (Psalmi 138:6) Madje, një herë Jezui u tha dishepujve të tij: «Edhe fijet e flokëve tuaj janë të gjitha të numëruara.» (Mateu 10:30) Perëndia vëren te ti hollësi për të cilat nuk je i vetëdijshëm as vetë. Prandaj, aq më tepër do të të dëgjojë nëse i lutesh për ndihmë që të përballosh ankthet!​—1 Pjetrit 5:7.