Për ta bërë më të këndshëm leximin tuaj në JW Library janë vënë një sërë veçorish. Për të gjetur këto veçori, prek në të djathtë të ekranit ose rrëshqit gishtin poshtë nga pjesa e sipërme e ekranit për të hapur panelin App Commands ose Shiriti i kategorive.

Ndiq këto udhëzime për të mësuar si mund të personalizosh leximin:

•  Si të ndryshosh gjuhën

•  Si të ndryshosh shkrimin

•  Si të zgjedhësh paraqitjen e materialit

•  Si të përdorësh opsionin Hape te Biblioteka Online

•  Si të personalizosh leximin e Biblës

Mund të ndryshosh gjuhën e kapitullit ose të artikullit që po lexon.

• Prek butonin Languages ose Gjuhët për të parë të gjitha gjuhët që e kanë faqen që po lexon. Gjuhët që përdor më shpesh janë në krye të listës. Gjithashtu mund të kërkosh gjuhën duke i shkruar emrin.

• Gjuhët që nuk i ke shkarkuar akoma tregohen me një ikonë në formë reje. Prek te një gjuhë që të shkarkosh botimin. Pasi botimi shkarkohet në pajisjen tënde, ikona në formë reje zhduket. Prek përsëri te gjuha për ta lexuar botimin.

Mund ta ndryshosh shkrimin në atë madhësi që ta bën të rehatshëm leximin.

Disa artikuj mund të paraqiten me imazhe ose vetëm me tekst. Prek butonin përkatës për të zgjedhur mes dy paraqitjeve.

• Paraqitja me imazhe: Paraqitja me imazhe e tregon faqen ashtu siç duket e shtypur. Disa mund të preferojnë këtë paraqitje te botime të tilla si, libri i këngëve, ku imazhi tregon notat muzikore.

• Paraqitja me tekst: Paraqitja me tekst i tregon citimet biblike si linqe që mund të hapen dhe të lexohen me madhësinë e tekstit që ke zgjedhur.

Kur prek te një citim biblik në një botim, shfaqen vargjet. Prek butonin Customize ose Radhit poshtë vargjeve për të zgjedhur se cilën nga Biblat e shkarkuara dëshiron të përfshish në listë.

Shih «Shkarko dhe përdor Biblat​—Windows» për të mësuar si mund të shtosh Bibla në JW Library.