Gjykatësit 14:1-20
14 Atëherë Samsoni zbriti në Timnah dhe atje pa një grua filistine.*
2 Kështu u kthye në shtëpi dhe u tregoi prindërve: «Në Timnah më ra në sy një grua filistine dhe dua që të ma merrni për grua.»
3 Por ata i thanë: «Nuk mund të gjesh një grua mes të afërmve dhe mes tërë popullit tonë?+ Duhet patjetër të shkosh e të marrësh grua mes filistinëve të parrethprerë?» Por Samsoni i tha babait të vet: «Atë më merr, sepse ajo bën për mua.»*
4 Prindërit nuk e kuptonin se kjo vinte nga Jehovai, sepse Ai po kërkonte shkas kundër filistinëve, pasi në atë kohë Izraeli sundohej prej tyre.+
5 Kështu, Samsoni zbriti me prindërit në Timnah dhe mbërriti në vreshtat e Timnahut, kur ja, një luan* i doli përpara duke ulëritur.
6 Atëherë fryma e Jehovait i dha fuqi+ dhe ai e ndau luanin më dysh vetëm me duar, si ndahet një kec. Por babait dhe nënës nuk u tha çfarë bëri.
7 Pastaj Samsoni zbriti në Timnah dhe foli me gruan, sepse ende mendonte se ishte gruaja që bënte për të.+
8 Më vonë, kur po shkonte që ta merrte në shtëpi,+ u kthye të shihte luanin e ngordhur, dhe në kërmën e tij kishte një mori bletësh e mjaltë.
9 Atëherë mori mjaltin në dorë dhe po hante teksa ecte. Kur arriti prindërit, u dha edhe atyre që të hanin. Por nuk u tregoi se mjaltin e kishte marrë nga kërma e luanit.
10 I ati zbriti që ta takonte atë grua dhe Samsoni shtroi një gosti siç e kishin zakon të rinjtë.
11 Kur e panë, i sollën 30 shoqërues, që të rrinin me dhëndrin.
12 Pastaj Samsoni u tha: «Ju lutem, lërmëni t’ju tregoj një gjëegjëzë. Nëse e gjeni dhe ma thoni përgjigjen brenda shtatë ditëve të gostisë, unë do t’ju jap 30 rroba linoje dhe 30 palë veshje.
13 Por nëse nuk e gjeni dot, do të më jepni ju 30 rroba linoje dhe 30 palë veshje.» Ata iu përgjigjën: «Na e trego gjëegjëzën; duam ta dëgjojmë.»
14 Atëherë ai u tha:
«Diçka që hahet nga ngrënësi doli,dhe një gjë e ëmbël nga i forti.»+
Për tri ditë ata nuk e gjetën dot gjëegjëzën.
15 Ditën e katërt i thanë gruas së Samsonit: «Punoji ndonjë rreng burrit tënd+ që të na e tregojë përgjigjen e gjëegjëzës. Përndryshe do të të vëmë zjarrin ty dhe shtëpisë së babait tënd. A na ftuat këtu për të na marrë çdo gjë që kemi?»
16 Kështu gruaja e Samsonit filloi të qante para tij e tha: «Ti më urren; ti nuk më do.+ I the një gjëegjëzë popullit tim, por mua nuk ma tregove përgjigjen.» Por ai ia ktheu: «Kur nuk ia tregova as babait e as nënës sime, pse duhet të ta tregoj ty?»
17 Por ajo qante pa pushim para tij deri ditën e shtatë të gostisë. Më në fund, ditën e shtatë ai ia tregoi, sepse ajo nuk e linte rehat. Pastaj ajo ia tregoi përgjigjen e gjëegjëzës popullit të saj.+
18 Kështu, ditën e shtatë para se të perëndonte dielli,* burrat e qytetit i thanë:
«Ku ka më të ëmbël se mjaltidhe më të fortë se luani?»+
Ai ua ktheu:
«Pa ndihmën e gruas sime,*+ju nuk do ta kishit gjetur gjëegjëzën.»
19 Pastaj fryma e Jehovait i dha fuqi,+ dhe ai zbriti në Ashkelon,+ ku vrau 30 burra. Ua mori veshjet e ua dha atyre që gjetën gjëegjëzën.+ Pastaj u ngjit i tërbuar në shtëpinë e të atit.
20 Kështu gruan e Samsonit+ ia dhanë njërit prej shoqëruesve të dhëndrit.+
