Kënga e Solomonit 3:1-11
3 Netëve, në shtratin tim,dashurinë e zemrës sime* kërkova.+
E kërkova, por nuk e gjeta.+
2 Do të çohem e nëpër qytet do të dal,nëpër rrugë e nëpër sheshe,dashurinë e zemrës sime* të kërkoj.
E kërkova, por nuk e gjeta.
3 Takova rojat tek kontrollonin qytetin+ dhe i pyeta:
‘A e keni parë atë që do zemra ime?’*
4 Sapo u ndava nga ata,kur ja, dashurinë e zemrës sime* gjeta.
E pushtova dhe nuk e lashë të iktederisa e çova në shtëpinë e nënës sime,+në dhomën e asaj që më solli në jetë.
5 M’u betoni, o bija të Jerusalemit,m’u betoni për gazelat dhe për drenushat e fushësse nuk do të përpiqeni ta zgjoni dashurinë tek unë derisa të çelë vetë.»+
6 «Ç’po ngrihet kështu nga shkretëtira si shtyllë tymi,me aromë mirre dhe me temjan të bardhë,me lloj-lloj aromatikësh tregtarësh?»+
7 «Shikoni, është vigu mbretëror* i Solomonit.
Gjashtëdhjetë trima e rrethojnë,ndër të fuqishmit e Izraelit,+
8 me shpata armatosur,në luftë të stërvitur,me shpata në brez,nga tmerret e natës ta mbrojnë.»
9 «Është vigu mbretëror që mbreti Solomone bëri për vete me dru Libani.+
10 Me argjend shtyllat ia ka bërëe me ar mbështetëset e tij,ndenjësen ku rri, me copë purpuri,*dhe në brendi, bijat e Jerusalemite kanë qëndisur me dashuri.»
11 «Dilni, o bija të Sionit,dilni e admironi mbretin Solomon me kurorën e martesës*që nëna+ ia thuri ditën e dasmës,ditën e gëzimit të zemrës së tij.»
