Habakuku 1:1-17
1 Shpallja që iu dha profetit Habakuk* në vegim:*
2 Deri kur, o Jehova, do të të thërras për ndihmë, e ti nuk do të dëgjosh?+
Deri kur do të të kërkoj ndihmë që të më shpëtosh nga dhuna, e ti nuk do të ndërhysh?*+
3 Pse më bën të shoh të keqen?
Pse e toleron shtypjen?
Pse para meje ka rrënim e dhunë?
Pse janë shtuar sherret e konfliktet?
4 Ja pse ligji s’ka fuqidhe drejtësia nuk vihet kurrë në vend.
Ngaqë i ligu e rrethon të drejtin,drejtësia shtrembërohet.+
5 *«Shihni mes kombeve dhe kushtoni vëmendje!
Zgurdulloni sytë të shtangur dhe habituni,sepse në ditët tuaja do të kryhet një vepër,të cilën nuk do ta besoni, edhe sikur t’jua tregojnë.+
6 Ja tek po ngre kaldeasit,+kombin mizor e të rrëmbyer.
Ata vërshojnë mbi faqen e dheut,për të zaptuar shtëpi që nuk janë të vetat.+
7 Janë të lemerishëm e të futin tmerrin.
E vendosin vetë drejtësinë dhe autoritetin* e tyre.+
8 Kuajt i kanë më të shpejtë se leopardët,më të egër se ujqërit e natës.+
Kuajt e tyre të luftës rendin me galop.
Ata vijnë prej së largue sulen si shqiponja drejt ushqimit.+
9 Ata vijnë me gjithë ushtrinë e tyre dhe e kanë ndarë mendjen të shkatërrojnë.+
Vërsulen përpara si era zhuritëse e lindjes+dhe robërit i mbledhin si kokrrizat e rërës.
10 Ata tallen me mbretërit,përqeshin zyrtarët e lartë.+
Tallen me çdo vend të fortifikuar+dhe ngrenë ledhe për t’i shtënë në dorë.
11 Më pas përhapen shpejt si era dhe kalojnë mes për mes vendit.
Por do të bëhen me faj,+sepse meritën për fuqinë që kanë ia japin perëndisë së tyre.»*+
12 A nuk ke ekzistuar ti që nga përjetësia, o Jehova?!+
O Perëndia im, i Shenjti im, ti nuk vdes!*+
Ti, o Jehova, i ke caktuar për të ekzekutuar gjykimin tënd.
O Shkëmbi im,+ ti i ke zgjedhur për të ndëshkuar.*+
13 Sytë e tu janë tepër të pastër për të parë të keqen,dhe ti nuk e toleron dot ligësinë.+
Pse i toleron, pra, të pabesët+dhe hesht kur i ligu përpin një tjetër më të mirë se veten?+
14 Pse i bën njerëzit si peshqit e detit,si krijesat ujore që s’ka kush t’u prijë?
15 Ai* i zë të gjithë me një grep të vetëm,i kap në rrjetën tratëdhe i mbledh me rrjetën e peshkimit.
Prandaj s’e mban vendi nga gëzimi.+
16 Ja pse i paraqet flijime rrjetës tratëdhe i ofron flijime rrjetës së peshkimit,sepse falë tyre ha racione të zgjedhura*e ushqimet më të mira.
17 Mos do ta zbrazë ai rrjetën tratë* vazhdimisht?!
Mos do të shuajë pafundësisht kombe pa pikë dhembshurie?!+
Shënimet
^ Mund të ketë kuptimin «përqafim i zjarrtë».
^ Shih Fjalorthin.
^ Ose «e ti nuk do të më shpëtosh?»
^ Ka të ngjarë që këtu po flet Perëndia.
^ Ose «lavdinë».
^ Një mundësi tjetër «sepse fuqia e tyre është perëndia i tyre».
^ Ose «për të korrigjuar».
^ Një mundësi tjetër «ne nuk do të vdesim».
^ Domethënë, armiku kaldeas.
^ Fjalë për fjalë «gjithë vaj».
^ Një mundësi tjetër «do ta zhveshë shpatën».