Isaia 47:1-15
47 Zbrit dhe ulu në pluhur,o virgjëreshë e Babilonisë!+
Ulu përtokë ku nuk ka fron,+o bijë e kaldeasve,sepse njerëzit nuk do të të quajnë më kurrë delikate dhe të përkëdhelur.
2 Merr mokrën* dhe bluaj miell.
Hiqe vellon.
Hiqe fundin, zbuloji këmbët
e kalo lumenjtë.
3 Lakuriqësia jote do të zbulohet.
Turpi yt do të duket sheshit.
Unë do të marr hak+e askush nuk do të më pengojë.*
4 «Ai që na riblen,emri i të cilit është Jehovai i ushtrive,është i Shenjti i Izraelit.»+
5 Ulu në heshtje dhe zhytu në errësirë,o bijë e kaldeasve;+nuk do të të quajnë më Zonja* e Mbretërive.+
6 Unë u indinjova me popullin tim.+
Përdhosa trashëgiminë time+dhe t’i dhashë ty në dorë.+
Por ti nuk pate mëshirë për ta.+
Madje edhe të moshuarve u ngarkove një zgjedhë të rëndë.+
7 Ti the: «Do të jem Zonjë* përgjithmonë.»+
Nuk mendove seriozisht për veprimet e tua;nuk e more parasysh se si do të përfundonte kjo gjë.
8 Tani dëgjo, o ti që jepesh pas qejfeve,+që ulesh e sigurt dhe thua me vete:*
«Unë jam, dhe s’ka asnjë tjetër.+
S’do të bëhem vejushë.
S’do ta provoj kurrë humbjen e fëmijëve.»+
9 Por këto dy gjëra do të të ndodhin papritmas, brenda një dite:+
do të humbësh edhe fëmijët, edhe burrin.
Këto do të bien plotësisht mbi ty,+për shkak të* shtrigërive të tua të shumta dhe të yshtjeve të fuqishme.+
10 Ti besove te ligësia jote.
The: «Askush nuk më sheh.»
Pikërisht mençuria dhe njohuria jote të çuan në rrugë të gabuar,dhe thua me vete: «Unë jam, dhe s’ka asnjë tjetër.»
11 Por mbi ty do të vijë shkatërrimidhe asnjë nga magjitë e tua nuk do ta ndalë dot.*
Nuk do t’i shmangësh dot vuajtjet që të presin.
Mbi ty do të vijë befas një rrënim që kurrë s’ta ka zënë syri.+
12 Vazhdo, pra, me yshtjet dhe shtrigëritë e tua të shumta,+me të cilat je robtuar që në rini.
Ndoshta do të nxjerrësh dobi;ndoshta do t’u kallësh tmerrin njerëzve.
13 Të lodhën këshilltarët e shumtë.
Le të ngrihen e të të shpëtojnë, pra,adhuruesit e qiejve,* shikuesit e yjeve,+ata që, kur del hëna e re, bëjnë parashikimepër gjërat që do të të ndodhin.
14 Ja, ata janë si kashtadhe do të digjen në zjarr.
Nuk e shpëtojnë dot veten nga fuqia e flakëve.
Këto flakë nuk janë si thëngjij për t’u ngrohurdhe as si një zjarr para të cilit mund të ulesh.
15 Kështu do të përfundojnë magjistarët e tu,me të cilët je robtuar që në rini.
Ata do të hallakaten, duke ia mbathur secili për hesap të vet.*
Nuk do të ketë asnjë që të të shpëtojë.+
Shënimet
^ Shih Fjalorthin.
^ Një mundësi tjetër «nuk do të pres askënd me dashamirësi».
^ Ose «Mbretëresha».
^ Ose «Mbretëreshë».
^ Fjalë për fjalë «që thua në zemër».
^ Një mundësi tjetër «pavarësisht».
^ Ose «ti nuk do të dish të bësh asnjë magji për ta ndalur».
^ Një mundësi tjetër «ata që ndajnë qiellin; astrologët».
^ Fjalë për fjalë «për në rajonin e vet».