Jobi 36:1-33
36 Elihu tha më tej:
2 «Bëj dhe pak durim me mua teksa të shpjegoj,se kam ende diçka për të të thënë në emër të Perëndisë.
3 Do të tregoj gjithçka di,dhe do të shpall se drejtësia i përket Bërësit tim.+
4 Vërtet, fjalët e mia nuk janë gënjeshtra;tani para teje ke Atë që ka njohuri të përsosur.+
5 Vërtet, Perëndia është i fuqishëm+ e nuk hedh poshtë askënd;ai ka aftësi të thellë për të kuptuar.
6 Ai nuk ua kursen jetën të ligjve,+kurse të munduarit i gjykon me drejtësi.+
7 Nuk i largon sytë nga të drejtët;+i vë në fron si mbretër,*+ dhe ata lartësohen përgjithmonë.
8 Por nëse janë nën vargonje të lidhur me litarët e mundimit,
9 ai u tregon hapur gjithë ç’kanë bërë,fajet që kanë kryer nga krenaria.
10 Ua hap veshët për t’i ndrequrdhe i nxit të heqin dorë nga e keqja.+
11 Nëse i binden dhe i shërbejnë,kanë për t’i mbyllur ditët në begati,dhe vitet e tyre do të jenë plot kënaqësi.+
12 Por nëse nuk binden,do të bien të vdekur nga shpata,*+do të marrin fund në padijen e tyre.*
13 Ata që janë të ligj* në zemër, ushqejnë mëri;
nuk thërrasin për ndihmë, edhe kur Ai u vë prangat.
14 Ata vdesin kur janë ende të rinj,+teksa e kalojnë* jetën mes prostitutave* të tempullit.+
15 Kurse të munduarit Perëndia* i shpëton nga vuajtjet;ai ua hap veshët teksa janë nën shtypje.
16 Ai të nxjerr nga kthetrat e dëshpërimit,+të çon në një vend të gjerë, pa kufij,+dhe të ngushëllon me ushqim të zgjedhur në tryezën tënde.+
17 Atëherë do të kënaqesh kur të gjykohen të ligjtë,+kur të jepet gjykimi dhe të vihet në vend drejtësia.
18 Por ki kujdes se mos nga tërbimi të mbushet zemra me ligësi,*+dhe nga një ryshfet i majmë shkon në rrugë të shtrembër.
19 Përndryshe, a do të bënin punë thirrjet e tua për ndihmë?A do të nxirrnin nga halli përpjekjet e tua të mëdha?+
20 Mos e dëshiro fort natënkur njerëzit zhduken sysh nga vendet e tyre.
21 Mos zgjidh të bësh të keqen,por zgjidh më mirë të durosh vuajtje.+
22 Ja, Perëndia madhërohet falë fuqisë së tij.E ku ka mësues si ai?!
23 Kush e ka drejtuar në cilën udhë të ecë?*+Kush i ka thënë: ‘Ajo që ke bërë, është e gabuar.’+
24 Mos harro të madhërosh veprat e tij,+për të cilat njerëzit kanë thurur këngë.+
25 Mbarë njerëzimi i ka parë;njeriu mund t’i soditë veçse nga larg.
26 Po, madhështinë e Perëndisë as që e konceptojmë dot:+vitet e tij as që mund të numërohen.*+
27 Ai i tërheq lart pikat e ujit,+dhe mjegulla që formohet prej tyre, kondensohet e kthehet në shi;
28 pastaj retë derdhen si rrebesh,+e mbi gjithë njerëzimin shiu bie rrëmbyeshëm.
29 Kush mund të kuptojë si shtrihen retë në qiell,a bubullimat që vijnë nga tenda* e tij?+
30 Shih si e shpalos mbi të vetëtimën,*+si e mbulon me ujë fundin* e detit.
31 Me anë të tyre, ai mban gjallë* popujt;u jep ushqim me bollëk.+
32 Në duart e veta e mban rrufenëdhe e drejton që të godasë në shenjë.+
33 Bubullimat njoftojnë ardhjen e tij,e madje edhe bagëtia tregon se kush* po vjen.
Shënimet
^ Një mundësi tjetër «ai vë në fron mbretër».
^ Ose «pa pasur njohuri».
^ Ose «një armë (shigjetë)».
^ Ose «apostatë».
^ Një mundësi tjetër «e mbarojnë».
^ Fjalë për fjalë «prostitutave-meshkuj». Shih Fjalorthin.
^ Fjalë për fjalë «Ai».
^ Ose «duartroket gjithë zemërligësi».
^ Një mundësi tjetër «e ka kritikuar për sjelljen e vet; i ka kërkuar llogari për veprimet e veta?»
^ Ose «numri i viteve të tij nuk rroket dot me mend».
^ Fjalë për fjalë «kasollja».
^ Fjalë për fjalë «dritën».
^ Fjalë për fjalë «rrënjët».
^ Një mundësi tjetër «mbron çështjen».
^ Një mundësi tjetër «çfarë».