Naumi 1:1-15
1 Shpallje kundër Ninevisë.+ Libri i vegimit* të Naumit,* elkoshitit:
2 Jehovai është një Perëndi që kërkon t’i përkushtohesh vetëm atij+ e që hakmerret;Jehovai hakmerret dhe është gati ta shfryjë zemërimin e tij të furishëm.+
Jehovai hakmerret kundër armiqve të tijdhe e ruan zemërimin e furishëm për kundërshtarët e vet.
3 Jehovai nuk zemërohet shpejt+ dhe ka shumë fuqi,+por Jehovai nuk e kursen kurrsesi ndëshkimin e merituar.+
Prej hapave të tij fryjnë erëra e stuhi shkatërruese,dhe retë ngrihen si pluhur nën këmbët e tij.+
4 Detin e qorton+ dhe e than;të gjithë lumenjtë i shteron.+
Bashani dhe Karmeli vyshken,+lulet e Libanit fishken.
5 Malet lëkundendhe kodrat treten prej tij.+
Toka do të tundet nga prania e tij,e po ashtu gjithësia me tërë banorët e saj.+
6 Kush mund t’i bëjë ballë indinjatës së tij?+
Kush mund t’i mposhtë flakët e zemërimit të tij?+
Furinë do ta derdhë si zjarr,dhe shkëmbinjtë do të thërrmohen për shkak të tij.
7 Jehovai është i mirë,+ një kala në ditë vuajtjesh.+
Ai u kushton vëmendje atyre* që kërkojnë strehë tek ai.+
8 Me një përmbytje vërshuese do ta shuajë krejt vendin,*dhe armiqve të tij nuk do t’u ndahet terri.
9 E ç’plane mund të thurin kundër Jehovait?!
Ai do t’i shfarosë krejt,e s’do t’i duhet të vërë dorë për së dyti.+
10 Ndonëse janë si gjemba të ngatërruardhe të dehur nga madhështia si me birrë,*ninevitët do të zhuriten si kashta e thatë.
11 Nga ti do të dalë dikush që thur të liga kundër Jehovait,dikush që jep këshilla të kota.
12 Ja ç’thotë Jehovai:
«Le të jenë plot forcë e le të jenë shumë,prapëseprapë do të kositen e do të marrin fund.*
Unë të kam munduar,* por nuk do të të mundoj më.
13 Tani do të ta heq nga shpina zgjedhën e saj+e do të t’i këput më dysh vargonjtë.
14 Për ty* Jehovai urdhëron:
‘Emri do të të shuhet krejt!
Do t’i zhduk shëmbëlltyrat e gdhendura dhe statujat prej metali* nga tempulli* i perëndive të tua.
Do të të hap një varr, sepse ti të ngjall përbuzje.’
15 Ja tek janë mbi male këmbët e atij që sjell lajmin e mirë,të atij që shpall paqen.+
Kremtoji festat e tua,+ o Judë, mbaji zotimet e tua,sepse të ligjtë* nuk do të të pushtojnë më kurrë.
Ata do të shuhen fare.»
Shënimet
^ Shih Fjalorthin.
^ Do të thotë «ngushëllues».
^ Ose «Ai kujdeset për ata». Fjalë për fjalë «Ai i njeh ata».
^ Domethënë, Ninevinë.
^ Ose «me birrë gruri».
^ Një mundësi tjetër «e ai do të kalojë mes për mes».
^ Domethënë, Judën.
^ Domethënë, Asirinë.
^ Ose «shtatoret e derdhura».
^ Ose «shtëpia».
^ Ose «të pavlerët».
