Naumi 2:1-13
2 Ai që shpartallon po vjen drejt teje.*+
Ruaji fortifikatat! Mbikëqyri rrugët!
Bëhu gati* e mblidhi të gjitha forcat,
2 sepse Jehovai do t’ia rikthejë krenarinë Jakobitdhe krenarinë Izraelit,ngaqë shkretuesit i kanë rrënuar+dhe ua kanë shkretuar bisqet.
3 Mburojat e burrave të fuqishëm janë të kuqe,luftëtarët janë veshur me të kuqe të errët.
Ditën kur bëhen gati për betejë,pjesët e hekurta të karrocave të luftës flakërojnë si zjarridhe heshtat e dëllinjta vringëllojnë.
4 Karrocat e luftës lëshohen rrugëve si të çmendura,turren poshtë e përpjetë shesheve,shkëlqejnë si pishtarë, vezullojnë si vetëtima.
5 Ai* do të thërrasë luftëtarët e vet.
Ata do të pengohen gjatë marshimit,do të turren drejt mureve të saje do të ngrenë barrikada.
6 Portat e lumenjve do të hapendhe pallati mbretëror do të shkatërrohet.*
7 Siç është dekretuar:* atë e kanë poshtëruardhe kanë robëruar, skllavet e saj rënkojnë, si pëllumba që gugatin,dhe godasin gjoksin* nga hidhërimi.
8 Ninevia+ ka qenë prej kohësh si një rezervuar ujërash,por tani njerëzit po ia mbathin.
«Ndaluni! Ndaluni!»,por askush nuk kthehet prapa.+
9 Plaçkitni argjend, plaçkitni ar,se ka thesare pa fund,është plot e përplot me gjëra të çmuara.
10 Qyteti është bosh, i shkretë e i rrënuar!+
Zemrat u mpaken nga frika, gjunjët u këputen, këmbët iu dridhen.Të gjithë janë zbehur në fytyrë.
11 Ku është strofka e luanëve,+ vendi ku ushqehen luanët e rinj,*aty ku luanët u prijnë këlyshëve të vetdhe askush nuk i tremb?
12 Luani shqyente pre sa për këlyshët e vetdhe mbyste kafshë për luaneshat e tij.
Zgavrat i mbushte me predhe strofkat me kafshë të shqyera.
13 Jehovai i ushtrive thotë: «Ja, unë jam kundër teje+e do të t’i bëj shkrumb e hi karrocat e luftës.+
Shpata do të gllabërojë luanët e rinj.*
Unë do t’i jap fund gjuetisë sate mbi faqen e dheut,dhe zëri i lajmëtarëve të tu s’do të dëgjohet më.»+
