Proverbat 16:1-33
16 Njeriu i thur mirë mendimet para se të flasë,*por përgjigjja e duhur* vjen nga Jehovai.+
2 Të gjitha udhët e veta i duken të drejta* njeriut,+por Jehovai shqyrton motivet.*+
3 Lërja në dorë Jehovait çdo gjë që bën,+dhe planet e tua do të kenë sukses.
4 Jehovai bën që çdo gjë të plotësojë qëllimin e tij,madje edhe që të ligjtë të rrënohen ditën e shkatërrimit.+
5 Njerëzit me zemër krenare janë të neveritshëm për Jehovain.+
Ji i sigurt për këtë:* ata do të ndëshkohen se s’bën.
6 Me dashuri* dhe besnikëri, faji shlyhet,+dhe kush nderon thellësisht Jehovain,* i largohet së keqes.+
7 Kur Jehovai kënaqet me udhët e një njeriu,bën që edhe armiqtë e tij të jenë në paqe me të.+
8 Më mirë të kesh pak me drejtësi,+se shumë fitime, me padrejtësi.+
9 Në zemër, njeriu mund ta planifikojë udhën e vet,por hapat ia drejton Jehovai.+
10 Nga goja e mbretit duhet të dalin vendimet e Perëndisë;*+ai s’duhet ta tradhtojë kurrë drejtësinë.+
11 Kandari dhe peshorja e saktë vijnë nga Jehovai;të gjithë gurët e peshës në trastë i ka përcaktuar ai.+
12 Zakonet e liga janë të pështira për mbretërit,+sepse froni bëhet i patundur me drejtësi.+
13 Fjalët e drejta janë të këndshme për mbretërit;ata e duan njeriun që flet me ndershmëri.+
14 Tërbimi i mbretit është lajmëtar i vdekjes,+por i mençuri e zbut* tërbimin.+
15 Kur fytyra e mbretit rrëzëllen, ka jetë;pëlqimi i tij është si re shiu në pranverë.+
16 Është shumë më mirë të fitosh mençuri se ar,+të fitosh aftësi për të kuptuar se argjend!+
17 Rruga e të drejtëve e shmang të keqen.
Kush kujdeset për udhën e tij, mbron jetën e vet.+
18 Krenaria vjen para rrëzimitdhe fryma fodulle para pengimit.+
19 Më mirë i përulur* mes zemërbutëve+se të ndash pasuri me fodullët.
20 Atij që tregon gjykim të thellë, i shkon mbarë,*dhe ai që ka besim te Jehovai, është i lumtur.
21 Kush ka zemër të mençur, do të shihet si njeri me mend,+dhe kush është fjalëmbël,* ka më shumë forcë bindëse.+
22 Gjykimi i thellë është burim jete për ata që e zotërojnë,por të marrët i ndëshkon vetë marrëzia e tyre.
23 Zemra e të mençurit i fal gjykim të thellë gojës së vet+dhe u shton forcë bindëse fjalëve të veta.
24 Fjalët e këndshme janë hoje mjalti,të ëmbla për shpirtin* dhe shërim për kockat.+
25 Është një udhë që njeriut i duket e drejtë,por në fund ajo të çon në vdekje.+
26 Oreksi e bën punëtorin të punojë fort;në të vërtetë është uria* që e nxit.+
27 Njeriu i pavlerë rrëmon për të keqen;+fjalët e tij përvëlojnë si zjarr.+
28 Intriganti* shkakton konflikte,+dhe shpifësi ndan miqtë e ngushtë.+
29 Njeriu i dhunshëm e bën për vete tjetrin*dhe e çon në udhë të gabuar.
30 Ai shkel syrin, teksa kurdis të këqija,dhe me buzëqeshje të shtirë, i çon deri në fund intrigat.
31 Flokët e bardhë janë kurorë bukurie*+kur ecin në udhën e drejtësisë.+
32 Kush nuk zemërohet shpejt,+ është më mirë se një burrë i fuqishëm,dhe kush e mban nën fre zemërimin,* është më mirë se ai që pushton një qytet.+
33 Vërtet shorti hidhet në prehër,+por çdo vendim që merret nëpërmjet tij, vjen nga Jehovai.+
Shënimet
^ Ose «që jep». Fjalë për fjalë «përgjigjja e gjuhës».
^ Fjalë për fjalë «Planet e zemrës i përkasin njeriut».
^ Fjalë për fjalë «të kulluara».
^ Fjalë për fjalë «frymën».
^ Fjalë për fjalë «Dora te dora».
^ Ose «dashuri besnike».
^ Fjalë për fjalë «i frikësohet Jehovait». Shih Fjalorthin.
^ Ose «vendime të frymëzuara; hyjnore».
^ Ose «e shmang».
^ Fjalë për fjalë «i përulur në frymë».
^ Fjalë për fjalë «gjen mirë».
^ Ose «dhe të folurit e këndshëm». Fjalë për fjalë «ëmbëlsia e buzëve».
^ Ose «në shije». Shih Fjalorthin.
^ Fjalë për fjalë «goja».
^ Ose «Ngatërrestari».
^ Ose «të afërmin». Shih Fjalorthin.
^ Ose «lavdie».
^ Fjalë për fjalë «sundon frymën e vet».
