Proverbat 23:1-35
23 Kur të shtrohesh në tryezë me mbretin,shikoje me kujdes atë që ke përpara,
2 dhe nëse të hahet shumë,* përmbahu.*
3 Mos e lakmo ushqimin e tij të zgjedhur,që të mos të ngecë në grykë.
4 Mos u robto për të fituar pasuri;+ndalo dhe trego gjykim të shëndoshë.*
5 Pasuria zhduket sa hap e mbyll sytë,+merr krahë si të shqiponjës dhe fluturon drejt qiejve.+
6 Mos e ha bukën e koprracit,*as mos i lakmo ushqimet e tij të zgjedhura,
7 sepse ai njeri t’i mban llogari.*
Ty të thotë: «Ha e pi!», por nuk e ka sinqerisht.*
8 Kafshatat që ke ngrënë, do t’i vjellësh,dhe më kot do t’ia kesh thënë gjithë ato fjalë të mira.
9 Mos i fol të pamendit,+sepse do t’i përbuzë fjalët e tua të mençura.+
10 Mos e shtyj shenjën e kufirit që vunë në lashtësi paraardhësit e tu+dhe mos ua prek arat jetimëve,*
11 sepse Mbrojtësi* i tyre është i fortë;ai vetë do ta mbrojë çështjen e tyre kundër teje.+
12 Pranoje me gjithë zemër disiplinëndhe vërua veshin fjalëve të mençura.
13 Mos ia kurse shkopin e disiplinës djalit;*+në rast se e godet, s’ka për të vdekur.
14 Duhet ta godasësh me shkopin e disiplinës,që ta shpëtosh nga Varri.*
15 Biri im, nëse zemra jote bëhet e mençur,edhe zemra ime do të gëzojë.+
16 Gëzimi do të m’i përshkojë skutat më të thella të zemrës,*kur buzët e tua të thonë atë që është e drejtë.
17 Zemra jote të mos i ketë zili mëkatarët,+por ki nderim të thellë për Jehovain* gjatë gjithë kohës,+
18 sepse atëherë do të kesh të ardhme,+atëherë nuk do të të shuhen shpresat.
19 Dëgjo, biri im, e bëhu i mençur;prije zemrën në udhën e drejtë.
20 Mos ji ndër ata që pinë verë me tepri,+as ndër ata që hanë mish si të babëzitur,+
21 sepse pijanecin dhe grykësin i pret skamja,+dhe përgjumja e vesh njeriun me lecka.
22 Dëgjoje babanë tënd që të solli në jetë,dhe mos e përbuz nënën tënde vetëm se është plakur.+
23 Blije* të vërtetën dhe mos e shit kurrë,+si edhe mençurinë, disiplinën dhe aftësinë për të kuptuar.+
24 Babai i të drejtit, me siguri do të gëzojë;kush sjell në jetë një djalë të mençur, do të fluturojë nga gëzimi.
25 Po, babai e nëna jote do të fluturojnë nga gëzimi,dhe ajo që të solli në jetë, do të jetë shend e verë.
26 Biri im, jepma mua zemrën,dhe gjetshin ëndje sytë e tu në udhët e mia,+
27 sepse gropë e thellë është prostituta,dhe pus i ngushtë gruaja imorale.*+
28 Ajo zë pusí si një kusar,+dhe shton radhët e jobesnikëve.
29 Kush ka mjerime? Kush ka siklete?
Kush ka sherre? Kush ka shqetësime?
Kush ka plagë pa arsye? Kush i ka sytë të skuqur?*
30 Ata që s’i ndahen verës,+ata që kërkojnë me ngulm* verë aromatike.
31 Mos e shiko verën kur kuqëlon,kur rrëzëllen në kupë, kur rrëshqet kollaj,
32 sepse në fund të kafshon si gjarpërdhe të helmon si nepërkë.
33 Sytë e tu do të shohin çudiradhe zemra jote do të thotë marrëzira.+
34 Do të bëhesh si ai që shtrihet në zemër të detit,si ai që shtrihet në majë të direkut të anijes.
35 Do të thuash: «Më kanë goditur, por nuk kam ndier gjë;*më kanë rrahur, por s’e kam marrë vesh.
Kur do të vij në vete,+ se më duhet edhe një gotë?»*
Shënimet
^ Ose «shpirti yt është plot dëshirim».
^ Fjalë për fjalë «vëri një thikë grykës».
^ Një mundësi tjetër «mos u mbështet në aftësinë tënde për të kuptuar».
^ Fjalë për fjalë «e njeriut me sy të keq».
^ Ose «bën llogari në shpirtin e tij».
^ Fjalë për fjalë «zemra e tij nuk është me ty».
^ Ose «fëmijëve pa baba».
^ Fjalë për fjalë «Shpenguesi». Shih Fjalorthin, «Shpërblesa; Shpengimi».
^ Ose «fëmijës; të riut».
^ Ose «Sheoli», pra, nga varri i përbashkët i njerëzimit. Shih Fjalorthin.
^ Fjalë për fjalë «veshkat».
^ Fjalë për fjalë «frikësoju Jehovait». Shih Fjalorthin.
^ Ose «Fitoje».
^ Ose «të shuar».
^ Ose «që mblidhen për të provuar».
^ Ose «dhembje».
^ Ose «do të pi përsëri?»
