Psalmi 103:1-22
Psalm i Davidit.
103 Lëvdo Jehovain, o shpirti* im!
Emrin e tij të shenjtë gjithë qenia ime e lëvdoftë!
2 Lëvdo Jehovain, o shpirti im!
Kurrë mos harro gjithë sa ka bërë ai!+
3 Ai i fal të gjitha fajet e tua+e nga tërë vuajtjet* të shëron.+
4 Jetën tënde e shpëton nga gropa*+e të kurorëzon me dashuri besnike dhe mëshirë.+
5 Gjithë jetën të ngop me të mira,+e ti rinohesh e gjallërohesh si shqiponja.+
6 Jehovai vepron me drejtësi+ e paanshmëridhe u bëhet krah gjithë të munduarve.+
7 Udhët e tij ia bëri të njohura Moisiut,+dhe veprat e tij, bijve të Izraelit.+
8 Jehovai është i mëshirshëm dhe i dhembshur,*+nuk zemërohet shpejt dhe është plot dashuri besnike.*+
9 Ai nuk do të gjejë të meta gjithë kohën,+as do të mbajë mëri tërë jetën.+
10 Ai nuk vepron me ne sipas mëkateve tona+e nuk na ndëshkon siç e meritojnë fajet tona.+
11 Vërtet, sa madhështorë ngrihen* qiejt përmbi tokën,po aq e madhe është dashuria e tij besnike për ata që e nderojnë thellësisht.*+
12 Sa larg është lindja nga perëndimi,aq shumë i ka larguar nga ne fajet tona.+
13 Siç tregon mëshirë babai për bijtë e vet,ashtu tregon mëshirë Jehovai për këdo që e nderon thellësisht.+
14 Se ai e di mirë si jemi formuar+e nuk harron që jemi veçse pluhur.+
15 Ditët e vdekatarit janë si ditët e barit të gjelbër;+ai çel si lulet në livadhe+
16 që zhduken sapo të fryjë erasikur të mos kishin ekzistuar kurrë.*
17 Kurse dashuria besnike e Jehovaitzgjat mot e jetë* për ata që e nderojnë thellësisht,+dhe drejtësia e tij, për bijtë e bijve,+
18 për ata që respektojnë besëlidhjen e tij+dhe i zbatojnë me kujdes urdhrat e tij.
19 Jehovai e ka bërë të patundur fronin në qiej,+dhe mbretëria e tij shtrihet mbi gjithçka.+
20 Lëvdoni Jehovain, ju o engjëjt e tij+ shumë të fuqishëm,ju që zbatoni fjalën e tij+ dhe i bindeni zërit të tij!*
21 Lëvdoni Jehovain, ju ushtritë e tij,+ju shërbëtorë që bëni vullnetin e tij!+
22 Lëvdo Jehovain, i gjithë ti krijim,në të gjitha vendet ku mbretëron ai!*
Lëvdo Jehovain, o shpirti im!
Shënimet
^ Shih Fjalorthin.
^ Ose «sëmundjet».
^ Ose «varri».
^ Ose «hirmadh».
^ Ose «dashamirësi».
^ Ose «sa lart janë».
^ Fjalë për fjalë «që i frikësohen». Shih Fjalorthin, «Frika nga Perëndia».
^ Fjalë për fjalë «dhe vendi i tij s’e njeh më».
^ Ose «nga përjetësia në përjetësi».
^ Fjalë për fjalë «që dëgjoni zërin (tingullin) e fjalës së tij!»
^ Ose «vendet që janë nën sovranitetin e tij!»
