Psalmi 75:1-10
-
Perëndia gjykon me drejtësi
-
Të ligjtë do të pinë kupën e Jehovait (8)
-
Për mjeshtrin e korit; sipas melodisë: «Mos shkatërro.» Psalm i Asafit.+ Këngë.
75 Ty të falënderojmë, o Perëndi, ty të falënderojmë!
Emri yt është me ne;+njerëzit u bëjnë jehonë veprave të tua të mahnitshme.
2 Ti thua: «Pasi caktoj një kohë për të gjykuar,unë gjykoj me drejtësi.
3 Kur toka dhe tërë banorët e saj tronditeshin,*unë vetë ia mbaja të patundura shtyllat.» (Selah)
4 Atyre që mburren, u them: «Mos u mburrni»,dhe të ligjve: «Mos e lartësoni veten për fuqinë* tuaj!
5 Mos e lartësoni kaq shumë veten për fuqinë* tuaj,mos flisni me arrogancë,
6 sepse lartësimi nuk vjen as nga lindja, as nga perëndimi e as nga jugu,
7 pasi Gjykatës është vetë Perëndia;+njërin e ul, kurse tjetrin e lartëson.+
8 Jehovai ka në dorë një kupë,+një kupë me verë aromatike që shkumëzon.
Ai do ta derdhë patjetër,dhe të ligjtë në mbarë tokën do ta pinë deri në pikën e fundit.»*+
9 Unë do t’i shpall këto gjëra gjithnjë;do t’i këndoj lavde* Perëndisë së Jakobit që thotë:
10 «Të ligjve do t’ua pres fuqinë,*kurse të drejtëve do t’ua shtoj fuqinë.»*
Shënimet
^ Fjalë për fjalë «shkriheshin».
^ Fjalë për fjalë «Mos e lartësoni bririn». Shih Fjalorthin.
^ Fjalë për fjalë «Mos e lartësoni bririn». Shih Fjalorthin.
^ Fjalë për fjalë «deri në llum».
^ Ose «do t’i luaj melodi».
^ Fjalë për fjalë «brirët».
^ Fjalë për fjalë «do t’ua lartësoj brirët».
