Psalmi 99:1-9
99 Jehovai është bërë Mbret!+ Le të dridhen popujt!
Ai ulet në fron mbi* kerubinët.+ Le të tundet dheu!
2 I madh është Jehovai në Sion;ai qëndron lart, po, mbi tërë popujt!+
3 Le ta përlëvdojnë emrin tënd të madh,+sepse ai të ngjall nderim të thellë dhe është i shenjtë.
4 Ti je një mbret i fuqishëm që e do drejtësinë.+
Normat e tua të drejta janë të patundshme.
Jakobin e ke gjykuar me drejtësi e paanshmëri.+
5 Lartësoni Jehovain,+ Perëndinë tonë,përkuluni* te stoli i këmbëve të tij.+
Ai është i shenjtë!+
6 Moisiu dhe Aroni ishin ndër priftërinjtë e tij,+Samueli ishte ndër ata që thërritnin për ndihmë emrin e tij.+
Jehovait i thërritnin e ai u përgjigjej.+
7 Nga shtylla e resë u fliste,+dhe ata i zbatonin përkujtuesit e dekretet që u dha.+
8 O Jehova, Perëndia ynë, ti u përgjigjeshe.+
Edhe pse ishe për ta një Perëndi që fal,+ti i ndëshkoje* për mëkatet e tyre.+
9 Lartësoni Jehovain, Perëndinë tonë,+përkuluni* para malit të tij të shenjtë,+sepse Jehovai, Perëndia ynë, është i shenjtë!+
