Sofonia 1:1-18
1 Fjala që Jehovai i drejtoi Sofonisë,* birit të Kushit, birit të Gedaliahut, birit të Amariahut, birit të Hezekisë, në ditët e Josisë,+ që ishte bir i Amonit+ dhe mbret i Judës:
2 «Unë do të fshij çdo gjë nga faqja e dheut,—thotë Jehovai.+
3 Do të shfaros njerëz e kafshë.
Do të shfaros zogjtë e qiellit dhe peshqit e detit,+gurët e pengesës*+ bashkë me të ligjtë.Njerëzimin do ta zhduk nga faqja e dheut,—thotë Jehovai.
4 Do ta ngre dorën kundër Judësdhe kundër tërë banorëve të Jerusalemit.
Do të zhduk nga ky vend çdo gjurmë të* Baalit,+priftërinjtë idhujtarë dhe emrin e priftërinjve të perëndive të huaja;+
5 ata që përkulen mbi tarraca para ushtrisë së qiejve;+ata që përkulen e betohen se do t’i qëndrojnë besnikë edhe Jehovait,+edhe Malkamit;+
6 ata që i kthejnë shpinën dhe nuk e ndjekin Jehovain;+ata që nuk e kërkojnë Jehovain dhe që nuk konsultohen me të.»*+
7 Heshtni para Zotërisë Sovran Jehova, sepse dita e Jehovait është afër.+
Jehovai ka përgatitur një flijim, ka shenjtëruar* të ftuarit e tij.
8 «Ditën kur unë, Jehovai, do të bëj një flijim, do t’u kërkoj llogari princave,bijve të mbretit+ dhe të gjithë atyre që vishen si njerëzit e kombeve.
9 Atë ditë do t’u kërkoj llogari të gjithë atyre që ngjiten në tribunë,*atyre që e mbushin shtëpinë e zotërinjve të tyre me dhunë e mashtrim.»
10 Jehovai thotë: «Atë ditëdo të dëgjohet një klithmë nga Porta e Peshqve,+një ulërimë nga Lagjja e Dytë e qytetit+dhe një zhurmë e madhe nga kodrat.
11 Ulërini, o banorë të Makteshit,*sepse të gjithë tregtarët u zhdukën;*të gjithë ata që peshojnë argjend u shfarosën.
12 Në atë kohë do të kontrolloj mirë me llamba nëpër Jerusalemdhe do t’u kërkoj llogari atyre që janë të vetëkënaqur* e që thonë me vete:*
‘Jehovai nuk do të bëjë as mirë, as keq.’+
13 Pasurinë e tyre do ta zhvatin, dhe shtëpitë e tyre do t’i shkretojnë.+
Do të ndërtojnë shtëpi, por nuk do të banojnë në to,do të mbjellin vreshta, por nuk do ta pinë verën e tyre.+
14 Dita e madhe e Jehovait është afër!+
Është afër dhe po vjen me të shpejtë!+
Tingulli i ditës së Jehovait është i hidhur.+
Atë ditë luftëtarët do të ulërijnë të dëshpëruar.+
15 Ajo është një ditë furie,+ditë ankthi e brenge,+ditë shtrëngate e shkretimi,ditë errësire e zymtësie,+ditë resh e terri të zi,+
16 ditë kur do të bjerë briri e do të jepet alarmi për luftë+kundër qyteteve të fortifikuara dhe kundër kullave të larta në qoshe të mureve.+
17 Do t’i brengos njerëzitdhe ata do të ecin si të verbër,+sepse mëkatuan kundër Jehovait.+
Gjaku i tyre do të shpërndahet si pluhurdhe zorrët* e tyre si bajgë.+
18 As argjendi e as ari i tyre nuk do të mund t’i shpëtojë ditën e furisë së Jehovait;+sepse zjarri i zellit të tij do të përpijë tërë tokën,+dhe ai do t’i shfarosë të gjithë banorët e dheut, e kjo do të jetë vërtet e tmerrshme.»+
Shënimet
^ Do të thotë «Jehovai ka fshehur (ka ruajtur si thesar)».
^ Ka të ngjarë, objektet ose veprimtaritë që lidheshin me idhujtarinë.
^ Ose «ç’të mbetet nga».
^ Ose «nuk kërkojnë drejtimin e tij».
^ Shih Fjalorthin, «Shenjtërimi».
^ Ose «podium; prag». Ka mundësi të ishte tribuna e fronit të mbretit.
^ Me sa duket një pjesë e Jerusalemit afër Portës së Peshqve.
^ Fjalë për fjalë «i bëra të heshtin».
^ Fjalë për fjalë «atyre që kanë rënë si llumi në fund të verës».
^ Ose «thonë në zemrën e tyre».
^ Fjalë për fjalë «mishi».
