«Mbarë bota është nën pushtetin e Djallit.»​—1 Gjonit 5:19, Bibla Simon Filipaj.

«Është shfaqur Biri i Perëndisë: për të shkatërruar veprat e djallit.»​—1 Gjonit 3:8, Diodati i Ri.

Shpjegim logjik për problemet në botë.​—Zbulesa 12:12.

Arsye për të besuar se bota do të përmirësohet.​—1 Gjonit 2:17.

Po! Ja tri arsye:

• Sundimin e Satana Djallit e pret shkatërrimi. Jehovai është i vendosur t’i japë fund pushtetit që ka Satanai mbi njerëzimin. Ai premton ‘të asgjësojë Djallin’ dhe të çrrënjosë plotësisht të këqijat që Djalli ka sjellë.​—Hebrenjve 2:14, Përkthimi Bota e Re.

• Zoti ka zgjedhur Jezu Krishtin për të qeverisur botën. Jezui është krejt e kundërta e sundimtarit të tanishëm mizor dhe egoist. Për mbretërimin e Jezuit, Perëndia premton: «Atij do t’i dhimbset i përvuajturi dhe i varfri. . . . Nga shtypja dhe dhuna, do t’ua shpengojë shpirtin.»​—Psalmi 72:13, 14.

• Zoti nuk mund të gënjejë. Bibla e thotë qartë: «Është e pamundur që Perëndia të gënjejë.» (Hebrenjve 6:18) Kur Jehovai premton të bëjë diçka, është punë e mbaruar. (Isaia 55:10, 11) «Sundimtari i kësaj bote do të dëbohet.»​—Gjoni 12:31.