WOTO 10
Tooka di fasi fa i ta fan nasö di fasi fa i ta lesi
Nöngö 8:4, 7
DI SONI DI I MUSU DU: Tja dee pakisei ko gbelingbelin a fesi, nöö ta tooka di fasi fa i ta fan.
FA I MUSU DU ËN:
-
Fan möön taanga nasö möön saapi. Fan möön taanga te joo taki u wan fanöudu soni, söseei te joo da dee haikama degihati. Du di wan seei soni te joo lesi wan tëkisi a Bëibel di abi wan kuutu bosikopu. Fan möön saapi te i ta lesi wan pisi ka wan sëmbë ta fëëë, nasö ka a abi bookohedi.
-
Fan ku wan möön hebi töngö nasö ku wan möön finu töngö. Ee a dë wan soni di un guwenti a di töngö fii, nöö i sa fan ku wan möön hebi töngö te joo taki u wan soni di i lobi nasö te joo taki un bigi nasö un longi wan soni dë. Fan ku wan möön finu töngö te joo taki u wan tjali soni nasö wan soni di ta da sëmbë bookohedi.
-
Fan möön hesi nasö möön teegi. Fan möön hesi te i ta konda wan sipan woto. Fan möön teegi te i ta taki u wan fanöudu soni.
