WOTO 16
Taki soni di ta mbei sëmbë fii bunu, söseei di ta da de degihati
Jöpu 16:5
DI SONI DI I MUSU DU: Na buta hii i pakisei a wan bookohedi, ma buta pakisei a soni di sa seeka di bookohedi, söseei a soni di sa da dee haikama degihati.
FA I MUSU DU ËN:
-
Pakisei bunu u dee haikama fii. I musu abi di futoou taa dee baaa ku dee sisa fii kë du soni di ta tja gafa ko da Jehovah. Ee i musu da de wan lai, nöö a bi o bunu u taki wan soni u gafa de ufö i da de di lai.
-
Na taki u te a hia soni di an o da de degihati. Te i ta konda wan woto, nöö na buta pakisei tumisi a dee soni dee an go bunu. Ee i musu taki u soni di an go bunu, nöö du ën te a dë fanöudu, ma na taki longi fëën poi. Dee haikama musu fii bunu te i kaba hoi di taki fii.
-
Wooko ku di Bëibel. Piki dee haikama andi Jehovah bi du kaa, andi a ta du nöunöu, söseei andi a o du da libisëmbë a di ten di ta ko. Da dee haikama fii degihati, nöö taki soni di o da de taanga.
