Wooko ku buku nasö kolanti di sëmbë sa futoou. Dee soni dee joo taki musu kumutu a di Bëibel, ee a sa, nöö lesi ën langalanga kumutu a di Bëibel. Ee joo taki u wan soni di könima ko sabi, nasö u wan soni di bi dë a kolanti nasö a teefei nasö a Internet, nöö i musu dë seiki taa na mindimindi woto.

Taki soni kumafa a dë tuutuu. Te joo taki soni u wan tëkisi, nöö dee soni dee joo taki musu nama ku dee woto vers u di tëkisi dë, ku hii dee woto soni dee sikifi a di Bëibel, söseei ku dee soni dee sikifi a dee buku di „di köni saafu di dë u futoou” mbei (Mat. 24:45). Te joo taki wan soni di dë a wan woto buku, nasö a wan kolanti, nöö i musu köni be ja tooka dee soni di di sikifima bi taki.

Taki go taki ko ku dee haikama. Te i kaba lesi wan tëkisi nasö te i kaba taki u wan soni di sikifi a wan buku, nöö buta wan hakisi nasö konda wan woto u heepi dee haikama u deseei ko fusutan di soni di i kë lei de.