Andi da di kë u Gadu?
Gadu kë fuu libi bööböö ku waiwai u teego a wan paladëisi a goonliba!
Ma sonte i ta hakisi iseei: ’Di soni dë sa pasa wan daka u?’ Di Bëibel taki taa di Könuköndë u Gadu o mbei taa di soni aki pasa. Nöö Gadu kë u hii sëmbë lei soni u di Könuköndë dë ku söseei andi a o du da u.—Psalöm 37:11, 29; Jesaaja 9:7.
Gadu kë fuu feni wini.
Leti kumafa wan bumbuu tata kë taa soni waka bunu ku dee mii fëën, sö nöö u Tata a liba ala kë taa u dë waiwai u nöömö (Jesaaja 48:17, 18). A paamusi taa „di sëmbë di ta du di kë u Gadu o dë u teego”.—1 Johanisi 2:17, NW.
Gadu kë fuu waka a dee pasi fëën.
Di Bëibel taa di Gadu di mbei u kë „lei u dee pasi fëën” sö taa u sa „waka a dee pasi fëën” (Jesaaja 2:2, 3). A tja ’sëmbë di musu tja di në fëën’ ko a wan, sö taa de sa mbei sëmbë a hii goonliba ko sabi andi a kë.—Tjabukama 15:14, NW.
Gadu kë fuu dini ën kuma wan famii.
Di soifi fasi u dini Jehovah an ta paati sëmbë ku sëmbë, ma a ta mbei de ko dë wan kuma wan famii u di de abi tuutuu lobi (Johanisi 13:35). Un pei sëmbë a di ten aki ta lei womi ku mujëë a hii së u goonliba unfa de musu dini Gadu kuma wan famii? Wë ku di buku aki u kë heepi i fii ko sabi di piki u di hakisi aki.
Kandë i lobi dee woto aki tu
AMBË DA U?
Unfa u ta lei sëmbë soni u Bëibel?
A hii sëu goonliba, sëmbë sabi taa dee Jehovah Kotoigi ta lei sëmbë soni u Bëibel söndö u paka. Unfa de ta du ën?
AMBË DA U?
Faandi mbei u musu lei soni u Bëibel?
Di Bëibel ta piki dee möön fanöudu hakisi u milionmilion sëmbë a hii së u goonliba. I bi o kë dë wan u dee sëmbë aki sö tu ö?
