U ta da i tangi taa i bi tei i ten u lesi di buku aki finifini sö taa i bi sa ko sabi möön bunu ambë da dee Jehovah Kotoigi tuutuu, ku dee wooko u ta du, söseei di fasi fa di ölganisaasi fuu ta wooko. U ta houpu taa di buku aki heepi i u ko sabi u kuma dee sëmbë dee ta du di kë u Jehovah a di ten aki. U ta da i taanga u tan lei sabi soni u Gadu, u konda dee soni dee i ta lei da dee famii fii ku dee mati fii, söseei u ta da i taanga u ta ko makandi ku u hii juu a dee kemeente komakandi fuu.​—Hebelejën 10:23-25.

Joo ko si taa möön i ta lei soni u Jehovah, möönmöön joo ko si taa a lobi i tuutuu. Di soni aki o da i taanga u du hii soni di sa du u lei taa i lobi Gadu tu (1 Johanisi 4:8-10, 19). Ma unfa i sa lei a di hii daka libi fii taa i lobi Gadu? Faandi mbei i sa feni wini te i ta hoi dee wëti u Gadu? Nöö andi o heepi i fii sa du di kë u Gadu makandi ku u? Di sëmbë di ta lei i soni u Bëibel sa suku dee piki u dee hakisi aki makandi ku i, sö taa ju ku i wosudendu sa ’hoi unu seei a di lobi u Gadu dendu’, ’fuun sa feni di teego libi’.​—Judasi 21.