PISI 6
Andi u ta lei u di Gaan wata di bi ko?
Gadu bi kii dee hogi sëmbë, ma a bi tjubi Noa ku ën wosudendu. Kenesesi 7:11, 12, 23
Tjuba bi kai gbulululu 40 daka, ndeti ku didia, nöö di wata bi singi hii di goonliba tuu piii. Hii dee hogi sëmbë bi dëdë.
Dee hogi engel bi tuwë di libisëmbë sinkii u de disa, hën de ko toon taku jeje.
Dee sëmbë dee bi dë a di ark dendu bi pasa libilibi. Hii fa Noa ku ën wosudendu dëdë bakaten, tökuseei Gadu o tja de ko a libi baka u de sa libi u teego.
Gadu o kii dee hogi sëmbë möön, nöö a o tjubi dee bunuhati sëmbë. Mateosi 24:37-39
Saatan ku dee taku jeje ta ganjan sëmbë go dou.
Kumafa a bi dë a di ten u Noa, sö nöö sömëni sëmbë ta tuwë di lobihati tii u Jehovah disa a wan së. Abiti möön Jehovah o kii hii dee hogi sëmbë puu.—2 Petuisi 2:5, 6.
So sëmbë dë kuma Noa. De ta haika Gadu, nöö de ta du dee soni a ta taki. Dee sëmbë dë da dee Jehovah Kotoigi.
Kandë i lobi dee woto aki tu
BUKU KU BROCHURE
Ambë ta tii di goonliba tuutuu?
Di piki di Bëibel ta da sa mbei i foondo seei. Ko sabi faandi mbei a dë fanöudu u sabi ën, söseei andi a kë taki da di ten di ta ko.
