PISI 3
Unfa di libi bi dë a di Paladëisi?
Jehovah bi da Adam ku Eva sömëni bunu soni. Kenesesi 1:28
Jehovah mbei di fosu mujëë, Eva, hën a tjëën go da Adam u dë mujëë fëën.—Kenesesi 2:21, 22.
Jehovah bi mbei de ku telutelu fusutan ku telutelu sinkii di na bi abi föutu.
Di tankamian u de bi dë di Paladëisi de kai di djai u Eden. A bi dë wan gaan hanse kamian di bi abi wan lio, fuuta pau ku mbeti.
Jehovah bi ta fan ku de, nöö a bi ta lei de soni. Ee de bi haikëën, de bi o libi u teego a di Paladëisi a goonliba.
Gadu bi taki taa de an musu njan di fuuta u wan u dee pau. Kenesesi 2:16, 17
Wan u dee engel bi hopo fia ku Gadu. Di hogi engel dë da Saatan Didibi.
Jehovah bi lei Adam ku Eva wan fuuta pau u di djai, hën a piki de taa ee de njan di fuuta fëën de bi o dëdë.
Saatan an bi kë taa Adam ku Eva piki Jehovah buka. Fëën mbei a tei wan sindeki ko piki Eva taa ee a njan di fuuta u di pau dë, an bi o dëdë ma a bi o ko dë kuma Gadu. Ma ganjan wë a bi ta ganjëën e.—Kenesesi 3:1-5.
Kandë i lobi dee woto aki tu
ESSENTIAL BIBLE TEACHINGS
Faandi mbei Gadu mbei di goonliba?
Di goonliba waiti seei. Gadu buta di goonliba a di soifi kamian taa an zuntu ku di sonu poi, söseei di goonliba an ta bia hesi poi. Faandi mbei Gadu mbei möiti sö u mbei di goonliba a sö wan bunu fasi?
