Andi sa heepi i fii sa fusutan dee woto aki?
Lei soni u Bëibel ku wan Jehovah Kotoigi: Hakisi di sëmbë di da i di buku aki, ee a sa lei i soni u Bëibel, nasö sikifi hakisi a di website fuu jw.org. u wan sëmbë ko lei i soni u Bëibel.
DI FOSU PISI
Lesi hiniwan u dee palaklafu ku dee hakisi dee sikifi ku möön baaka (A) ku dee Bëibel tëkisi (B) dee ta tja dee möön fanöudu soni ko a fesi. Lesi hii dee tëkisi dee sikifi „lesi”.
DI U TU PISI
Dee soni dee sikifi (C) a di pisi Woto soni di i sa lei ta lei andi joo lei a di pisi aki. Dee möön fanöudu soni sikifi ku gaan lëtë (D). Lesi dee tëkisi, piki dee hakisi, nöö luku dee fëlön (E).
Luku dee peentje ku dee soni dee sikifi a dee peentje (F), nöö pakisei unfa joo piki a di pisi So sëmbë ta taki taa (G).
DI LASITI PISI
Dee pisi Andi i lei? ku Andi i bi o piki? (H) ta heepi i fii toona mëni andi i lei. Sikifi di daka di i kaba lei soni a di woto. Di pisi Pooba di soni aki (I) ta lei i andi i musu du. Di pisi Woto soni di i sa luku (J) abi woto soni di i sa luku nasö lesi.
Unfa i sa feni dee Bëibel tëkisi
Te wan Bëibel tëkisi sikifi, nöö joo si di në u di Bëibel buku (A), di kapitë (B), ku di vers nasö dee vers (C). Ee i tei kandë, Johanisi 17:3, nöö a ta lei go a di buku Johanisi, kapitë 17, vers 3.