Mi kaba u?
Mi kaba u peleiki makandi ku di kemeente u?
I sa ko toon wan peleikima di an dopu jeti te . . .
I abi di guwenti u ta lei soni u Bëibel, u ta begi, söseei u nango a dee komakandi.
I lobi dee soni dee i ta lei, söseei ta biibi de. Ku te i ta konda dee soni dee i ta lei da wotowan.
I lobi Jehovah, söseei te i ta ko dë mati ku dee sëmbë dee lobi ën.
I puu i në a poipoi keiki, söseei a hii soni di nama ku politiki soni.
I ta libi kumafa dee wëti u Jehovah ta taki, söseei te i kë toon wan Jehovah Kotoigi.
Ee i si kuma i kaba u peleiki makandi ku di kemeente, nöö di sëmbë di ta lei i soni u Bëibel sa seeka soni u dee gaanwomi sa fan ku i u luku ee i sa toon wan peleikima.
Mi kaba u dopu ö?
I kaba u dopu te . . .
I dë wan peleikima di an dopu jeti.
I nango hii juu a di peleikiwooko.
I ta wooko makandi ku di „köni saafu di dë u futoou”, söseei te i ta du andi de ta piki u fuu du.—Mateosi 24:45-47.
I begi Jehovah buta i libi nëën maun, söseei te i kë dini ën u teego.
Ee i si kuma i kaba u dopu, nöö di sëmbë di ta lei i soni u Bëibel sa seeka soni u dee gaanwomi sa fan ku i u luku ee i sa dopu.