WOTO 02
Di Bëibel ta paamusi u wan möön bunu libi a di ten di ta ko
Fuka ta miti sömëni sëmbë a di goonliba aki di ta mbei de ta tjali, di ta da de bookohedi, söseei di ta mbei de ta fii pen so juu. Wan soni bi pasa ku i di bi mbei i ta tjali, nasö di bi ta da i bookohedi, nasö di bi mbei i ta fii pen u? Kandë i ta tja fuka u di i dë ku wan suwaki nasö kandë wan sëmbë fii dëdë. Nöö kandë i ta hakisi iseei taa: ’Wan daka o ko ka soni o go möön bunu ö?’ Di Bëibel ta piki di hakisi aki.
1. Andi di Bëibel ta piki u taa o pasa a di ten di ta ko?
Di Bëibel an ta konda da u nöö faandi mbei fuka hia a di goonliba sö, ma a ta konda da u tu taa dee fuka dë o dë u wan pisiten nöö. Hën da abiti möön de an o dë möön. Dee soni di di Bëibel paamusi u sa „mbei soni waka bunu da u a di ten di ta ko”, söseei de sa mbei u „abi di houpu taa soni o waka bunu bakaten”. (Lesi Jelemia 29:11, 12.) Dee soni di di Bëibel paamusi aki ta heepi u fuu sa libi ku dee bookohedi fuu, fuu ta dë waiwai nöunöu kaa, söseei fuu dë ku di mëni taa woo ta dë waiwai u nöömö a di ten di ta ko.
2. Un bunu ten di Bëibel paamusi u?
Di Bëibel ta taki u wan ten ka „dëdë an o dë möön. Na wan sëmbë o tjali nasö bai kai wolo, söseei pen an o dë möön”. (Lesi Akoalimbo 21:4.) Dee bookohedi dee ta mbei sëmbë ta lasihati a di ten aki da hangi pena, di libi di sëmbë an ta libi a wan leti fasi, siki, ku dedë. Ma abiti möön dee bookohedi aki an o dë möön. Di Bëibel ta paamusi u taa sëmbë o libi u teego a di Paladëisi a goonliba aki.
3. Unfa i sa dë seiki taa dee soni di di Bëibel paamusi u o pasa tuutuu?
Sömëni sëmbë ta wakiti u bunu soni pasa, ma de an ta dë seiki ee dee soni dë o pasa tuutuu. Ma dee soni di di Bëibel ta paamusi u o pasa tuutuu. Woo sa biibi dee soni di di Bëibel ta taki te u „ta öndösuku Gadu buku finifini” (Tjabukama 17:11). Te joo lei soni a di Bëibel, nöö iseei o ko si ee i sa biibi dee soni dee a ta konda da u u di ten di ta ko.
WOTO SONI DI I SA LEI
Boo luku so u dee soni di di Bëibel paamusi u da di ten di ta ko. Boo luku tu unfa dee soni di di Bëibel paamusi u ta heepi sëmbë a di ten aki.
4. Di Bëibel ta piki u taa woo sa libi u teego, nöö wa o abi zöndu möön
Luku wantu u dee soni di di Bëibel paamusi u. Undi u de i möön lobi? Nöö faandi mbei?
Lesi dee tëkisi dee sikifi a dee paamusi aki bandja, nöö piki dee hakisi aki:
-
I si kuma dee tëkisi aki sa da i kötöhati ö? De sa da dee famii fii ku dee mati fii kötöhati tu ö?
Pakisei unfa a o dë u libi a wan goonliba ka
NA WAN SËMBË O . . . |
HII SËMBË O . . . |
---|---|
|
|
|
|
|
|
|
|
|
|
5. Dee soni di di Bëibel paamusi u sa tooka u libi
Sömëni sëmbë ta lasihati, söseei hati u de ta boonu u dee hogi soni di de ta si ta pasa. So sëmbë ta mbei taanga möiti u seeka soni ko möön bunu. Luku unfa di paamusi di di Bëibel ta paamusi u taa soni o go möön bunu ta heepi sëmbë nöunöu. Pëë di FËLÖN, nöö piki dee hakisi aki.
-
Un fasi u libi di sëmbë bi ta libi ku deseei bi ta toobi Rafika a di fëlön?
-
Unfa di Bëibel bi heepi ën, hii fa sëmbë bi ta libi hogi ku deseei go dou?
Dee soni di di Bëibel paamusi u da di ten di ta ko, ta heepi u fuu sa libi ku dee bookohedi fuu. Lesi Nöngö 17:22 ku Loomë 12:12, nöö piki dee hakisi aki:
-
I si kuma dee soni di di Bëibel paamusi u da di ten di ta ko sa tooka soni a i libi ö? Faandi mbei i taki sö?
SO SËMBË TA TAKI TAA: „A taanga u biibi taa dee soni di di Bëibel paamusi u o pasa tuutuu.”
-
Faandi mbei i si kuma a dë fanöudu fii iseei go öndösuku dee soni aki luku?
ANDI I LEI?
Di Bëibel ta piki u taa soni o go bunu a di ten di ta ko, söseei a ta heepi u fuu sa libi ku dee bookohedi fuu u di a ta paamusi u taa a di ten di ta ko woo ta dë waiwai seei.
Andi i bi o piki?
-
Faandi mbei sëmbë musu ko sabi dee soni dee Gadu paamusi u?
-
Andi di Bëibel ta taki u di ten di ta ko?
-
Unfa di sabi di i sabi dee bunu soni dee o pasa a di ten di ta ko ta heepi i nöunöu kaa?
WOTO SONI DI I SA LUKU
Lesi di woto aki fii si unfa dee bunu soni di Gadu paamusi u sa heepi i te i abi bookohedi.
„Pe yu man feni trutru howpu?” (Ontwaakt!, 22 u piki-deewei-liba 2004)
Lesi di woto aki fii ko sabi unfa dee soni di di Bëibel paamusi u sa heepi wan sëmbë di dë ku wan suwaki di data an sa kula.
„Bijbel kan yepi yu te yu abi wan siki di no man dresi?” (Woto a di website fuu)
Te i ta luku di poku-fëlön aki, nöö pakisei fa i ku dee famii fii o ta piizii u di libi a di Paladëisi di di Bëibel ta paamusi u da di ten di ta ko.
Lesi di woto aki fii si unfa wan womi di bi ta hopo taki da di leti u libisëmbë ku mbeti bi ko tooka baka di a bi ko sabi dee soni di di Bëibel ta paamusi u da di ten di ta ko.
„Mi no feni moro taki mi musu kenki grontapu” (A Waktitoren, 1 u baimatu-liba 2013)