WOTO 05
Di Bëibel da wan kado di Gadu da u
Jehovah da u wan gaan dii kado, hën da di Bëibel. Nöö a paati a 66 piki buku. Ma kandë i ta hakisi iseei taa: ’Unfa di Bëibel du ko dë? Ambë sikifi ën?’ Fuu sa piki dee hakisi aki, nöö boo luku unfa di buka u Gadu di sikifi a di Bëibel du dou a u.
1. Ee libisëmbë hën sikifi di Bëibel, nöö faandi mbei u ta taki taa a Gadu a kumutu?
Söwan 40 womi sikifi di Bëibel. Nöö a bi tei söwan 1600 jaa longi u de bi kaba sikifi ën. De bigi sikifi ën a di jaa 1513 Bifö Keesitu te go miti di jaa 98 Baka Keesitu. Nöö dee womi dee sikifi di Bëibel an bi kiija a di wan seei fasi. So u de bi dë sikapuma, fisima, ku könu. Ma hii fa tookatooka sëmbë hën sikifi di Bëibel, tökuseei hii dee pisi fëën ta kai a wan. Unfa di soni aki du kan? U di a Gadu di Bëibel kumutu. (Lesi 1 Tesalonika 2:13.) Dee sëmbë dee sikifi di Bëibel an sikifi di u de seei pakisei buta nëën. Ma dee soni di de bi sikifi bi „kumutu u Gadu, u di di santa jeje u Gadu bi ko a de liba” a (2 Petuisi 1:21). Gadu bi wooko ku di santa jeje fëën u mbei libisëmbë sikifi dee pakisei fëën buta a di Bëibel.—2 Timoteo 3:16.
2. Ambë ku ambë sa feni wan Bëibel?
„Hii pei nasiön sëmbë, ku hii pei lö, ku hii pei föluku dee ta fan hii dee peipei töngö u goonliba” sa feni wini u di bunu buka di dë a di Bëibel. (Lesi Akoalimbo 14:6.) Gadu mbei taa di Bëibel dë u feni a sömëni töngö, möön hiniwan woto buku di u sabi. Gaansë u sëmbë abi wan Bëibel. Aluwasi naasë wan sëmbë ta libi nasö un töngö a ta fan, a sa feni wan Bëibel.
3. Andi Jehovah bi du u sëmbë an bi sa poi di Bëibel kaba a sösö?
De bi sikifi di Bëibel a soni di bi ta poi hesi. Ma dee womi dee bi lobi di Bëibel, bi toona sikifi di Bëibel buta a woto soni. Hii fa sëmbë di bi abi makiti bi ta mbei möiti u poi di Bëibel kaba a sösö, tökuseei woto sëmbë bi du hii soni di de bi sa du u tjubi di Bëibel u de an poi kaba a sösö, hii fa de bi sa lasi de libi seei. Na wan sëmbë nasö na wan soni bi sa tapa Jehovah fu an da u di Wöutu fëën. Di Bëibel ta taki taa: „Dee soni dee Gadu taki ta dë u nöömö”.—Jesaaja 40:8.
WOTO SONI DI I SA LEI
Boo luku unfa Gadu tei peipei womi u sikifi di Bëibel, andi a du fuu sa abi di Bëibel te kuma tide jeti, söseei andi a du sö taa hii sëmbë a goonliba sa feni di Bëibel.
4. Di Bëibel seei ta lei taa a Gadu a kumutu
Pëë di FËLÖN. Nöö lesi 2 Timoteo 3:16, nöö piki dee hakisi aki.
-
Ee libisëmbë hën sikifi di Bëibel, nöö faandi mbei u ta kai ën di Wöutu u Gadu?
-
I ta biibi taa Gadu bi sa mbei libisëmbë ko sabi andi de bi musu sikifi ö?
Wan wookoma sa sikifi wan biifi, ma di biifi da u di basi di piki ën andi a musu sikifi. Sö nöö libisëmbë sikifi di Bëibel, ma di bosikopu kumutu a Gadu
5. Sëmbë an bi sa poi di Bëibel kaba a sösö
U di di Bëibel kumutu a Gadu, mbei a bi tjubi ën u sëmbë an bi sa poi ën kaba a sösö. A di ten di pasa, sömëni womi di bi abi makiti bi mbei möiti u poi di Bëibel kaba a sösö. Dee keiki fesiman an bi kë u sëmbë feni di Bëibel lesi. Ma tökuseei sömëni sëmbë bi dë kabakaba u tjubi di Bëibel, hii fa sëmbë bi ta du ku de, söseei hii fa de bi sa lasi de libi seei. Ee i kë sabi soni u wan u dee womi aki, nöö pëë di FËLÖN, nöö piki dee hakisi aki.
-
Di sabi di i ko sabi taa sëmbë bi du sömëni soni u tjubi di Bëibel ta mbei taa i kë lesi ën u? Faandi mbei i taki sö?
Lesi Psalöm 119:97, nöö piki di hakisi aki:
-
Andi bi da sömëni sëmbë degihati u puu di Bëibel ko a woto töngö, söseei u paati ën da sëmbë, hii fa de bi sa lasi de libi?
6. Wan buku da hii pei sëmbë
Di Bëibel da di wan kodo buku di de puu a sömëni töngö, söseei di de paati möön leki hiniwan woto buku. Lesi Tjabukama 10:34, 35, nöö piki dee hakisi aki:
-
Faandi mbei Gadu kë taa di Wöutu fëën puu ko a sömëni töngö, söseei faandi mbei a kë taa a paati da sömëni sëmbë?
-
Andi i lobi u di Bëibel?
A fika piki, nöö
hii sëmbë
a goonliba
sa feni di Bëibel lesi a wan töngö di de ta fusutan
Hii di Bëibel nasö pisi fëën
dë u feni a möön leki
3000
töngö
5000.000.000
Di nöbu aki ta lei taa de doloki di Bëibel möön
hii woto buku
SO SËMBË TA TAKI TAA: „Di Bëibel da wan gaandi buku, nöö libisëmbë hën sikifi ën.”
-
Andi ii pakisei?
-
Andi ta lei taa di Bëibel da di Wöutu u Gadu?
ANDI I LEI?
Di Bëibel da di Wöutu u Gadu, nöö a mbei möiti taa hii sëmbë sa feni ën lesi.
Andi i bi o piki?
-
Unfa Gadu bi mbei dee womi dee sikifi di Bëibel ko sabi andi de bi musu sikifi?
-
Andi i lei a di woto aki di ta mbei i biibi taa di Bëibel da di Wöutu u Gadu?
-
Unfa i ta fii nöunöu di i ko sabi taa Gadu du sömëni soni fii sa feni di Wöutu fëën?
SIKIFI ANDI I LEI
