WOTO 06
Unfa di libi bigi?
„Gadu da di sëmbë di ta da libi” (Psalöm 36:9). I ta biibi di soni dë u? So sëmbë an ta biibi taa Gadu hën da u libi. Ee sö a dë, hën da di libi ko fëën seei. Ma ee Jehovah hën mbei u, nöö a musu u sabi faandi mbei a mbei u, nasö u? a Boo luku andi di Bëibel ta taki unfa di libi bigi, söseei boo luku faandi mbei u sa biibi andi di Bëibel ta taki.
1. Ambë mbei liba ala ku goonliba aki?
Di Bëibel ta taki taa: „A di bigi Gadu mbei liba ala ku goonliba” (Kenesesi 1:1). Gaansë u dee könima ta biibi taa di mundu abi wan bigi. Unfa Gadu du mbei ën? A wooko ku di kaakiti fëën, hën da di santa jeje fëën, u mbei hii soni a mundu. A mbei dee teeja, dee palanëti, ku hii woto soni.—Kenesesi 1:2.
2. Faandi mbei Gadu mbei di goonliba?
Jehovah „an mbei di goonliba u sösö, ma a mbei u sëmbë sa libi nëën” (Jesaaja 45:18). A mbei di goonliba a sö wan fasi taa u sa libi nëën u nöömö. (Lesi Jesaaja 40:28; 42:5.) Dee könima seei ta taki taa di goonliba mbei a wan apaiti fasi. A dë di wan kodo kamian ka libisëmbë sa libi.
3. Andi da di soni di mbei taa libisëmbë tooka ku dee mbeti?
Baka di Jehovah mbei di goonliba, hën a mbei libilibi soni buta nëën. Di fosu soni di a du, a mbei dee ahun ku dee mbeti buta a di goonliba. Baka di dë, „hën Gadu mbei libisëmbë kumafa hënseei dë.” (Lesi Kenesesi 1:27.) Andi libisëmbë sa du di dee mbeti an sa du? U di Gadu mbei u kumafa hënseei dë, mbei u sa lei taa u abi dee fasi fëën. Tu u dee fasi dë da lobi ku di du di a ta du soni a wan leti fasi. A da u di köni tu taa u sa lei peipei töngö. Söseei a mbei u a sö wan fasi taa u sa ta si waitiwaiti soni lobi, nöö u ta fii bunu tu te u ta haika poku. Boiti di dë, u sa dini di Sëmbë di mbei u, ma dee mbeti an sa du ën.
WOTO SONI DI I SA LEI
Boo luku faandi mbei u sa biibi taa Gadu hën mbei hii soni di ta libi, söseei boo luku faandi mbei u sa biibi dee soni di Bëibel taki te a nama ku di soni aki. Woo luku tu andi dee fasi dee libisëmbë abi ta lei u u Gadu.
4. Gadu hën mbei hii soni
Libisëmbë ta luku dee soni di Gadu mbei, nöö de ta mbei soni, nöö de ta feni gafa u dee soni dë. Ma ambë musu feni gafa u hii dee soni dee dë a goonliba? Pëë di FËLÖN, nöö piki di hakisi aki.
-
Un soni di Gadu mbei libisëmbë luku mbei soni?
Hiniwan wosu abi wan sëmbë di mbei ën. Ma ambë mbei hii dee soni dee u ta si a goonliba aki? Lesi Hebelejën 3:4, nöö piki dee hakisi aki:
-
Un soni di Gadu mbei buta a goonliba aki ta bigi da i?
-
I ta biibi taa Gadu hën mbei hii soni buta a liba ala ku goonliba aki ö? Faandi mbei i taki sö?
I bi sabi di soni aki ö?
I sa feni fëlön u di soni aki a jw.org a dee pisi „Dee soni di Gadu mbei” ku „Unfa di libi bigi?”
„Hiniwan wosu abi wan sëmbë di mbei ën, ma di sëmbë di mbei hii soni da Gadu”
5. Di Bëibel ta lei u unfa Gadu mbei hii soni
A Kenesesi kapitë 1, di Bëibel ta taki unfa Gadu mbei di goonliba ku hii soni di dë nëën. I sa biibi dee soni dee sikifi a di kapitë dë u, naa de dë anasiwoto? Pëë di FËLÖN, nöö piki dee hakisi aki.
-
Di Bëibel ta lei u taa Gadu mbei goonliba ku hii libilibi soni di dë nëën a sikisi daka dendu di abi 24 juu ö?
-
Te i luku andi di Bëibel ta taki u di fasi fa Gadu mbei soni, nöö i si kuma a taanga u fusutan u? I ta biibi andi di Bëibel ta taki ö? Faandi mbei i taki sö?
Lesi Kenesesi 1:1, nöö piki di hakisi aki:
-
Dee könima taki taa di mundu abi wan bigi. Unfa di soni di de taki dë ta kai ku di soni di i lesi djunsu dë a di Bëibel?
So sëmbë ta hakisi deseei ee Gadu bi mbei wan soni de kai cel, u mbei hii woto libilibi soni. Lesi Kenesesi 1:21, 25, 27, nöö piki dee hakisi aki:
-
Di Bëibel ta lei u taa Gadu bi mbei wan soni de kai cel, di ta tooka ko toon fisi, mbeti ku libisëmbë u? Naa hën mbei libisëmbë ku hii woto libilibi soni?
6. Libisëmbë dë apaiti u hii woto soni di Gadu mbei
Libisëmbë an dë kuma dee mbeti di Gadu mbei. Lesi Kenesesi 1:26, nöö piki di hakisi aki:
-
Te u luku fa libisëmbë ta lobi de na de, söseei fa de ta fii da wotowan, nöö andi di soni aki ta lei u u Gadu?
SO SËMBË TA TAKI TAA: „Libisëmbë kumutu a japijapi.”
-
Unfa ii pakisei?
ANDI I LEI?
Jehovah hën mbei hii soni a liba ala ku goonliba aki.
Andi i bi o piki?
-
Unfa liba ala ku goonliba aki du ko dë?
-
Gadu mbei wan soni de kai cel, di ta tooka ko toon fisi, mbeti, ku libisëmbë u, naa hën mbei hii libilibi soni tuu?
-
Faandi mbei libisëmbë dë apaiti u hii woto soni di Gadu mbei?
SIKIFI ANDI I LEI
