WOTO 13
Dee poipoi keiki ta poi Gadu në
Ee Gadu da lobi, nöö faandi mbei dee keiki dee ta taki taa de ta du soni a di në u Gadu, ta du sömëni hogi soni? Ee u musu taki ën kumafa a dë, nöö dee keiki aki da poipoi keiki, nöö de ta poi Gadu në. Unfa de ta poi Gadu në tjika? Unfa Gadu ta fii te de ta poi hën në? Nöö andi a o du?
1. Unfa dee poipoi keiki ta poi Gadu në ku dee soni di de ta lei sëmbë?
Ka u dee poipoi keiki „biibi dee tuutuu soni u Gadu, hën de bia go ta biibi mindimindi soni” (Loomë 1:25). Gaansë u dee keiki an ta lei sëmbë di në u Gadu, hii fa di Bëibel ta taki taa u musu ta kai di në u Gadu (Loomë 10:13, 14). So u dee fesima u keiki ta taki taa te wan hogi pasa, nöö Gadu hën kë faa pasa sö. Ma mindi de ta mindi soni da Gadu. Biga nöiti Gadu ta mbei hogi soni pasa. (Lesi Jakobosi 1:13.) A tjali taa dee mindimindi soni di dee keiki ta lei sëmbë ta mbei a taanga da sëmbë u de lobi Gadu.
2. Unfa dee poipoi keiki ta poi Gadu në ku dee soni di de ta du?
Dee poipoi keiki an ta libi ku sëmbë kumafa Jehovah ta libi ku sëmbë. Di Bëibel ta taki taa dee hogidu u dee poipoi keiki „lai oto a oto liba tee dou a Masa Gadu Köndë” (Akoalimbo 18:5). Sömëni jaa kaa dee poipoi keiki ta nama a politiki soni ku feti soni. Nöö de ta mbei te a hia sëmbë ta dëdë nasö de ta da pasi taa di soni dë ta pasa. So u dee fesima u keiki ta kë ko gudu, nöö de ta hakisi dee sëmbë u di keiki u de möni. Dee soni di de ta du ta lei taa de an sabi Gadu, nöö fëën mbei de an abi di leti u lei sëmbë soni u Gadu.—Lesi 1 Johanisi 4:8.
3. Unfa Gadu ta pakisei u dee poipoi keiki?
Ee dee soni di dee poipoi keiki ta du ta mbei hati fii ta boonu, nöö unfa i si kuma Jehovah ta fii? A lobi sëmbë, ma hati fëën ta boonu ku dee fesima u keiki, u di de ta poi hën në, söseei u di de an ta libi bunu ku dee sëmbë u dee keiki u de. A paamusi u taa a o poi dee poipoi keiki kaba a sösö, nöö de an „o dë u si ku wojo möön a mundu” (Akoalimbo 18:21). Abiti möön Gadu o poi hii dee poipoi keiki kaba a sösö.—Akoalimbo 18:8.
WOTO SONI DI I SA LEI
Woo luku wantu woto soni di ta lei unfa Gadu ta pakisei u poipoi keiki. Söseei woo luku wantu soni di poipoi keiki du, nöö luku faandi mbei wa musu mbei dee soni di de du tapa u fu wa kë ko sabi soni u Jehovah möön.
4. Gadu an ta feni hii keiki bunu
Sömëni sëmbë ta biibi taa hii dee peipei keiki dee dë, dë kuma tookatooka pasi di ta tja sëmbë go a Gadu. Ma sö a dë tuu ö? Lesi Mateosi 7:13, 14, nöö piki di hakisi aki:
-
Andi di Bëibel ta taki u di pasi di ta tja sëmbë go a libi?
Pëë di FËLÖN, nöö piki di hakisi aki.
-
Di Bëibel ta taki taa hia biibi dë di ta kai ku Gadu ö?
5. Dee poipoi keiki an lobi sëmbë kumafa Gadu lobi sëmbë
Dee poipoi keiki poi Gadu në a sömëni soni. Wan u dee möön hogi soni di de ta du, hën da di nama di de ta nama a feti soni. Fii sa si taa sö a dë tuu, nöö pëë di FËLÖN, nöö baka di dë, piki dee hakisi aki.
-
Andi dee keiki bi ta du a di u Tu Goonliba Feti?
-
Unfa i feni dee soni di de du?
Lesi Johanisi 13:34, 35 ku 17:16, nöö piki dee hakisi aki:
-
Unfa i mëni Jehovah ta feni ën te dee keiki ta nama a feti soni?
-
Dee poipoi keiki mbei sömëni hogi soni pasa. Andi ku andi dee poipoi keiki du, di ta lei taa de an ta djeesi Gadu a di lobi di a abi?
Dee poipoi keiki an ta lei taa de lobi sëmbë kumafa Gadu lobi sëmbë
6. Gadu kë heepi sëmbë u de kumutu a dee poipoi keiki
Lesi Akoalimbo 18:4, a nöö piki di hakisi aki:
-
Unfa i ta fii di i ko sabi taa Gadu kë heepi sëmbë u de kumutu a dee poipoi keiki dee ta ganjan de?
7. I musu ta lei soni u di tuutuu Gadu go dou
Dee soni di dee poipoi keiki ta du ta mbei ja abi biibi a Gadu möön u? Pakisei wan womi mii di an kë du andi hën tata ta piki ën. Di womi mii ta kumutu a wosu go libi a wan woto kamian, nöö a ta bigi libi wan libi di an bunu. Di tata an lobi di fasi fa di womi mii fëën ta libi. Faandi mbei an bi o dë wan bunu soni u taki taa di tata hën mbei di womi mii fëën ta libi sö?
-
A bi o dë wan köni soni fuu taki taa Jehovah hën ta mbei dee poipoi keiki ta du dee soni di de ta du ö? A bi o dë wan köni soni u disa u lei soni u Jehovah u dee poipoi keiki hedi ö?
SO SËMBË TA TAKI TAA: „Hii keiki bunu, nöö hii de tuu ta dini di wan seei Gadu.”
-
Sö ii ta pakisei tu ö?
-
Faandi mbei dee soni di dee poipoi keiki ta du an musu mbei ja abi biibi a Jehovah möön?
ANDI I LEI?
Dee poipoi keiki ta poi Gadu në ku dee poipoi soni di de ta lei sëmbë, söseei ku dee hogi soni di de ta du. Gadu o poi dee poipoi keiki kaba a sösö.
Andi i bi o piki?
-
Unfa i ta pakisei u dee soni di dee poipoi keiki ta lei sëmbë, söseei u dee soni di de ta du?
-
Unfa Jehovah ta pakisei u dee poipoi keiki?
-
Andi Gadu o du ku dee poipoi keiki?
WOTO SONI DI I SA LUKU
Lesi di woto aki fii si tu soni di gaansë u dee keiki ta du di an ta kai ku Gadu.
„Ala kerki na a srefi? Den alamala e yepi sma fu dini Gado?” (Woto a di website fuu)
Faandi mbei Jehovah kë fuu dini ën makandi ku woto sëmbë?
„A prenspari fu de wan memre fu wan kerki?” (Woto a di website fuu)
Lesi di woto aki fii si fa wan paiti bi ta booko hën hedi ku dee soni dee bi ta pasa a di keiki ka a bi nango. Ma dee soni aki an bi tapëën faa ko lei soni u di tuutuu Gadu.
„Fu san ede wan priester gowe libi en kerki?” (Ontwaakt!, bakajailiba 2015)
Lesi di woto aki fii si fa dee keiki ta mindi soni da Gadu höndöhöndö jaa kaa. Dee soni aki mbei sëmbë ta biibi taa Gadu abi hogihati, nöö an ta booko hën hedi ku u. Di woto aki ta taki u dii soni di de mindi da Gadu.
„Lei di e meki taki sma no man lobi Gado” (A Waktitoren, 1 u ëlufumu-liba 2013)
a Ee i kë sabi faandi mbei di Bëibel buku Akoalimbo ta tei dee poipoi keiki maaka ku wan mujëë di de ta kai di Gaan Babilon, nöö luku Wantu woto soni 1.
