WOTO 15

Ambë da Jesosi?

PËË

Ambë da Jesosi?

Jesosi da di möön nëbai sëmbë di bi libi a goonliba. Sömëni sëmbë sabi di në fëën, ma de an sabi hia soni fëën, söseei sömëni sëmbë abi tookatooka pakisei u di sëmbë di Jesosi dë tuutuu. Andi di Bëibel ta taki fëën?

1. Ambë da Jesosi?

Jesosi da wan makiti jeje di ta libi a liba ala. Nöö hën da di fosu soni di Jehovah mbei, ufö a mbei hii woto soni. Fëën mbei de ta kai ën „di fosu soni di Gadu mbei” (Kolosën 1:15). Di Bëibel ta kai Jesosi „di wan kodo Womi Mii” u Gadu, u di Jesosi wanwan da di wan kodo sëmbë di Jehovah seei mbei (Johanisi 3:16). Jesosi bi wooko makandi ku hën Tata Jehovah, u heepi ën mbei hii woto soni. (Lesi Nöngö 8:30.) Te kuma tide Jesosi ku Jehovah dë gaan mati. A ta wooko ku hii hën hati da Jehovah kuma bosikopuma fëën, nöö fëën mbei de ta kai ën „di Wöutu”.—Johanisi 1:14.

2. Faandi mbei Jesosi bi ko a goonliba?

Söwan 2000 jaa pasa, hën Jehovah bi du wan foombo soni. A bi wooko ku di santa jeje fëën u tei di libi u Jesosi puu a liba ala buta go a wan wëndjë mujëë de kai Malia bëë dendu. A sö wan fasi Malia bi ko pai Jesosi kuma wan libisëmbë. (Lesi Lukasi 1:34, 35.) Jehovah bi manda Jesosi ko a goonliba kuma di Mësiasi nasö di Keesitu di a bi paamusi, di bi o ko puu libisëmbë a fuka. a Hii dee tjabukama woto u Bëibel di ta taki soni u di Mësiasi bi pasa tuutuu a di libi fëën. Di soni aki bi mbei sëmbë ko sabi taa Jesosi hën da „di Keesitu, di Womi Mii u di libilibi Gadu”.—Mateosi 16:16.

3. Naasë Jesosi dë nöunöu?

Baka di Jesosi dëdë, hën Gadu weki ën ko a libi baka kuma wan jeje, hën a toona go baka a Gadu Köndë. Ala „Gadu . . . butëën ko möön hei möön fa a bi dë kaa” (Filipi 2:9). Nöunöu Jesosi abi gaan makiti, nöö Jehovah wanwan tö abi makiti möön hën.

WOTO SONI DI I SA LEI

Woo luku woto soni di ta lei ambë Jesosi dë tuutuu, söseei woo luku faandi mbei a dë fanöudu fuu ko sabi soni fëën.

4. Jesosi na Gadu

Di Bëibel ta lei u taa hii fa Jesosi da wan makiti jeje di ta libi a liba ala, tökuseei a ta saka hënseei nëën Tata Jehovah basu, di dë di Gadu fëën. Faandi mbei u sa taki sö? Pëë di FËLÖN u si fa di Bëibel ta lei u taa Jesosi ku di Gadu di abi hii makiti na di wan.

FËLÖN: Jesosi Keesitu da Gadu ö? (3:22)

Dee Bëibel tëkisi aki o heepi u fuu si taa Jehovah ku Jesosi na di wan. Lesi hiniwan u dee Bëibel tëkisi, nöö piki dee hakisi.

Lesi Lukasi 1:30-32.

Ambë di ëngëli bi taki taa Jesosi dë u Jehovah, di „Möön Hei wan”?

Lesi Mateosi 3:16, 17.

Andi di töngö di de bi jei a liba ala bi taki di Jesosi bi ta dopu?
Ambë töngö i si kuma a bi dë?

Lesi Johanisi 14:28.

Ambë möön gaandi, wan tata naa di womi mii fëën?
Jesosi bi kai Jehovah hën Tata. Andi di soni dë ta lei u?

Lesi Johanisi 12:49.

Jesosi bi ta pakisei taa hën ku hën Tata dë di wan sëmbë u? Unfa ii pakisei?

5. Soni di bi ta lei taa Jesosi da di Mësiasi?

Sömëni tjabukama woto di sikifi a Bëibel bi heepi sëmbë u de ko sabi di Mësiasi, di sëmbë di Gadu tei u puu libisëmbë a fuka. Pëë di FËLÖN fii si so u dee tjabukama woto di Jesosi mbei pasa tuutuu di a bi dë a goonliba aki.

FËLÖN: Jesosi bi mbei tjabukama woto pasa tuutuu (3:03)

Lesi dee tjabukama woto aki, nöö piki dee hakisi:

Lesi Mika 5:2 fii si naasë de bi o pai di Mësiasi. b

Di tjabukama woto aki pasa tuutuu ö? —Mateosi 2:1.

Lesi Psalöm 34:20 ku Sakalia 12:10 fii si andi da dee soni di bi taki a fesi u di dëdë u di Mësiasi.

Dee tjabukama woto aki bi pasa tuutuu ö? —Johanisi 19:33-37.
I si kuma Jesosi seei hën bi mbei dee tjabukama woto aki pasa tuutuu ö?
Andi di soni aki ta lei i u Jesosi?

6. U ta feni wini te u ta lei soni u Jesosi

Di Bëibel ta lei u taa a dë fanöudu fuu lei soni u Jesosi, ku dee soni dee Gadu kë faa du. Lesi Johanisi 14:6 ku 17:3, nöö piki di hakisi aki:

Faandi mbei a dë fanöudu u lei soni u Jesosi?

Jesosi jabi di pasi da u fuu sa ko dë wan mati u Gadu. A bi lei sëmbë dee tuutuu soni dee nama ku Jehovah, nöö hën da di sëmbë di mbei u sa feni di teego libi

SO SËMBË TA TAKI TAA: „Jehovah Kotoigi an ta biibi a Jesosi.”