WOTO 19
Dee Jehovah Kotoigi da tuutuu Keesitu sëmbë u?
U dee Jehovah Kotoigi ta biibi taa u da dee tuutuu Keesitu sëmbë. Faandi mbei? Pakisei naasë dee soni dee u ta lei ta kumutu, pakisei di apaiti në di u ta tja, ku di lobi di u lobi useei.
1. Naasë dee soni di dee Jehovah Kotoigi ta biibi ta kumutu?
Jesosi bi taki taa: „Di Wöutu fii [Gadu] hën da di tuu” (Johanisi 17:17). Leti kuma Jesosi, dee Jehovah Kotoigi ta biibi dee soni dee sikifi a di Wöutu u Gadu. Luku unfa soni bi waka da dee Bëibel Öndösukuma a di ten di pasa, dee ta tja di në Jehovah Kotoigi nöunöu. A di jaa 1870, hën wan kulupu sëmbë di bi ta lei soni u Bëibel bi bigi öndösuku di Bëibel finifini. De bi ta biibi dee soni di di Bëibel ta taki, hii fa dee soni dë bi tooka ku dee lei u dee woto keiki. Baka di dë, hën de bigi ta konda dee soni di de lei a di Bëibel da woto sëmbë. a
2. Faandi mbei u ta kai useei Jehovah Kotoigi?
Jehovah ta kai dee dinima fëën hën kotoigi, u di de ta konda tuutuu soni fëën da sëmbë (Hebelejën 11:4–12:1). Na awooten Gadu bi piki dee sëmbë fëën taa: „Unu da kotoigi u mi”. (Lesi Jesaaja 43:10.) De bi ta kai Jesosi „di Kotoigi di dë u futoou” (Akoalimbo 1:5). A di jaa 1931, hën u tei di në Jehovah Kotoigi. U ta wai seei taa u ta tja di në dë.
3. Unfa dee Jehovah Kotoigi ta lei taa de lobi sëmbë leti kuma Jesosi?
Jesosi bi lobi dee bakama fëën gaanfa seei taa a bi ta si de kuma hën famii. (Lesi Maikusi 3:35.) A hii së u goonliba, dee Jehovah Kotoigi ta libi kuma wan famii tu. Fëën mbei u ta kai useei baaa ku sisa (Filemon 1, 2). U ta hoi di wëti di ta taki taa: „Lobi hii dee baaa” (1 Petuisi 2:17). Dee Jehovah Kotoigi ta lei taa de lobi wotowan a peipei fasi. De ta lei taa de lobi wotowan, u di de ta heepi dee woto biibima kuma de, dee dë a hii së u goonliba te de abi heepi fanöudu.
WOTO SONI DI I SA LEI
Woo lei möön soni di dee Jehovah Kotoigi du a di ten di pasa, söseei woo luku woto soni di ta lei taa de da dee tuutuu Keesitu sëmbë.
4. Dee soni dee u ta biibi ta kumutu a di Bëibel
Jehovah bi taki a fesi taa sëmbë bi o ko fusutan di Bëibel möön bunu. Lesi Daniëli 12:4, nöö piki di hakisi aki.
-
Andi dee sëmbë u Gadu bi o ko sabi te de bi o ta öndösuku di Bëibel?
Luku unfa Charles Russell ku dee woto Bëibel öndösukuma bi ta öndösuku soni a di Wöutu u Gadu. Pëë di FËLÖN, nöö piki di hakisi aki.
-
Unfa Charles Russell ku dee woto Bëibel Öndösukuma bi ta öndösuku soni a di Bëibel?
I bi sabi di soni aki ö?
So juu u ta tooka wan soni di u bi ta biibi fosu. Faandi mbei? Leti kumafa pikipiki i ta si wan soni möön bunu te kamian ta limbo, sö nöö Gadu ta mbei taa pikipiki u ta ko fusutan di Wöutu fëën möön bunu. (Lesi Nöngö 4:18.) Wë hii fa di Bëibel an ta tooka, ma tökuseei u ta tooka dee soni dee u ta biibi te u ko ta fusutan di Bëibel möön bunu.
5. U ta konda dee tuutuu soni dee nama ku Jehovah da sëmbë?
Faandi mbei u tei di në Jehovah Kotoigi? Pëë di FËLÖN, nöö piki di hakisi aki.
-
Faandi mbei a fiti taa u tei di në Jehovah Kotoigi?
Faandi mbei Jehovah tei sëmbë u dë kotoigima fëën? U di de o mbei sëmbë ko sabi taa hën da di tuutuu Gadu, u di sëmbë konda sömëni mindimindi soni fëën. Luku tu u dee soni di de mindi da Gadu.
So u dee keiki ta lei dee sëmbë u de taa Gadu kë u de dini ën ku pindi. Lesi Leifitiki 26:1, nöö piki di hakisi aki:
-
Wë kumafa u si a di tëkisi, nöö unfa Jehovah ta si di dini di sëmbë ta dini pindi?
So u dee fesima u keiki ta lei sëmbë taa Jesosi da Gadu. Lesi Johanisi 20:17, nöö piki di hakisi aki:
-
Wë kumafa u si a di tëkisi, nöö Gadu ku Jesosi da di wan sëmbë u?
-
Unfa i feni ën taa Jehovah manda dee kotoigi fëën u de go konda dee tuutuu soni dee nama ku hën ku di Womi Mii fëën da sëmbë?
6. U lobi useei
Di Bëibel ta tei dee Keesitu sëmbë maaka ku dee peipei pisi u libisëmbë sinkii. Lesi 1 Kolenti 12:25, 26, nöö piki dee hakisi aki:
-
Andi tuutuu Keesitu sëmbë o du te fuka ta miti woto Keesitu sëmbë?
-
Andi i si a di lobi di dee Jehovah Kotoigi lobi deseei?
Te dee Jehovah Kotoigi a wan woto kamian u goonliba ta miti fuka, nöö dee woto Kotoigi a hii së u goonliba ta hopo du wan soni wantewante u heepi de. Ee i kë si fa de ta du ën, nöö pëë di FËLÖN. Baka di dë, nöö piki di hakisi aki.
-
Unfa dee Jehovah Kotoigi bi lei taa de lobi de na de di di soni aki pasa?
SO SËMBË TA TAKI TAA: „Dee Jehovah Kotoigi da wan njunjun keiki.”
-
Na un ten Jehovah bi bigi ta kai dee dinima fëën hën kotoigi?
ANDI I LEI?
Dee Jehovah Kotoigi da tuutuu Keesitu sëmbë. U dë wan gaan famii di dë a hii së u goonliba, nöö u ta biibi dee soni dee sikifi a di Bëibel, söseei u ta konda di tuutuu lei di nama ku Jehovah da sëmbë.
Andi i bi o piki?
-
Faandi mbei u tei di në Jehovah Kotoigi?
-
Unfa u ta libi ku useei?
-
I si kuma dee Jehovah Kotoigi da dee tuutuu Keesitu sëmbë u?
WOTO SONI DI I SA LUKU
A di fëlön aki joo lei möön soni u dee Jehovah Kotoigi.
Jehovah’s Getuigen—Geloof in actie, Deel 1: Uit het duister (1:00:53)
A di fëlön aki joo si andi da wan u dee poipoi lei di sëmbë ta biibi, söseei joo si unfa dee Jehovah Kotoigi heepi sëmbë u de ko sabi di tuutuu lei.
A di website fuu i sa feni dee piki u dee soni dee i bi o kë sabi u dee Jehovah Kotoigi.
„Aksi di furu sma abi fu Yehovah Kotoigi” (Woto a di website fuu)
U di Stephen bi ta buuse sëmbë u woto nasiön mbei a bi ta du hogi ku de. Luku andi a bi si a dee Jehovah Kotoigi di bi heepi ën faa tooka.
„Mi libi ben e kon moro ogri dei fu dei” (A Waktitoren, 1 u baimatu-liba 2015)
a Sensi di jaa 1879, hën dee sëmbë u Jehovah, ta mbei di buku di u ta kai Di Hei Wakitimawosu. Nöö di buku aki ta taki u di tuutuu lei u Bëibel.