1.  Unfa i sa ko sabi di Gaan Babilon

2.  Na un ten di Mësiasi bi o ko?

 1. Unfa i sa ko sabi di Gaan Babilon

Unfa u du sabi taa di „Gaan Babilon” da hii dee poipoi keiki? (Akoalimbo 17:5) Luku dee soni di ta lei u taa sö a dë tuu:

• A abi makiti a hii di goonliba. A sikifi a Bëibel taa di Gaan Babilon sindo a „dee peipei nasiön sëmbë ku dee peipei lö” liba. Nöö hën da di „gaan köndë . . . di ta buta hii dee könu u di goonliba aki tuu nëën basu.”​—Akoalimbo 17:15, 18.

• An sa dë dee politikima nasö dee seisonima. Te de o poi di Gaan Babilon kaba a sösö, nöö „dee konu u goonliba” ku „dee seisonima” o taanpu ta tjali te de ta poi ën kaba a sösö.​—Akoalimbo 18:9, 15.

• A ta poi Gadu në. Bëibel ta kai ën wan mujëë di ta sei hën sinkii, u di a ta wooko makandi ku dee politikima u feni möni ku woto soni (Akoalimbo 17:1, 2). A ta ganjan sëmbë a hii di goonliba, nöö a ta mbei sömëni sëmbë ta lasi de libi.​—Akoalimbo 18:23, 24.

Go baka a woto 13 pisi 6

 2. Na un ten di Mësiasi bi o ko?

Di Bëibel bi taki taa 69 wiki bi o pasa ufö di Mësiasi bi o ko.​—Lesi Daniëli 9:25.

• Na un ten dee 69 wiki bigi? A di jaa 455 bifö Keesitu. A di jaa dë, Gaama Nehemia bi dou a Jelusalen „u mbei ën” ko bunu baka.​—Daniëli 9:25; Nehemia 2:1, 5-8.

• Un longi dee 69 wiki bi dë? A so tjabukama woto u Bëibel, wan daka kë taki wan jaa (Nöbu 14:34; Ezekiëli 4:6). Fëën mbei, wan wiki kë taki seibi jaa. A di tjabukama woto aki, 69 wiki da 483 jaa (69 wiki x 7 daka).

• Na un ten dee 69 wiki kaba? Ee u bigi konda a di jaa 455 bifö Keesitu, hën u konda 483 jaa puu, nöö u ta kai a di jaa 29 baka Keesitu. a Disi da di jaa di Jesosi dopu, hën a toon di Mësiasi!​—Lukasi 3:1, 2, 21, 22.

Go baka a woto 15 pisi 5