Andi da di Könuköndë u Gadu?
I bi o taa a dë . . .
-
wan soni di dë a sëmbë hati dendu ö?
-
wan tii di dë a liba ala u?
-
wan woto soni ö?
DI BEIBEL TA TAKI TAA
„Di Gadu u liba ala o seti wan könuköndë di na o sa poi wan daka.”—Daniëli 2:44, Nyun-Grontapuvertaling.
„De pai wan mii da u. De dëën di wooko u tii kuma gaama.”—Jesaaja 9:6.
DEE WINI DEE I SA FENI
-
Wan bumbuu tii di o mbei i feni bunu.—Jesaaja 48:17, 18.
-
Wan njunjun goonliba teka sëmbë an o ta siki möön, söseei teka de o ta dë waiwai.—Akoalimbo 21:3, 4.
U SA BIIBI TUUTUU ANDI DI BEIBEL TA TAKI Ö?
Aai, tu soni mbei u sa biibi:
-
Jesosi bi lei u a fesi andi di Könuköndë u Gadu o du. A bi lei dee bakama fëën u begi be di Könuköndë u Gadu ko, söseei u begi be di kë u Gadu pasa a goonliba aki (Mateosi 6:9, 10). Dee soni Jesosi bi du ta lei u unfa Gadu o piki di begi aki.
Di Jesosi bi dë a goonliba aki, a bi da dee sëmbë dee hangi bi ta kii njanjan, a bi kula sikima, söseei a bi weki dëdë sëmbë! (Mateosi 15:29-38; Johanisi 11:38-44). Jesosi, di Tiima di o tii di Könuköndë u Gadu, bi lei u dee hanse soni di di Könuköndë u Gadu o du da dee sëmbë dee o dë a di tii dë basu.—Akoalimbo 11:15.
-
Dee soni dee ta pasa nöunöu a goonliba ta lei u taa di Könuköndë u Gadu o ko abiti möön. Jesosi bi taki a fesi taa kölö sö ufö di Könuköndë tja fii ko a di goonliba, gaan feti bi o ta feti a goonliba, gaan hangi bi o ko, söseei goonliba bi o ta seki ta latja kamian.—Mateosi 24:3, 7.
Hii dee soni aki tuu u ta si tide. Fëën mbei u sa dë seiki taa di Könuköndë u Gadu o puu hii dee fuka aki.
PAKISEI U DI SONI AKI
Unfa di libi o dë te di Könuköndë u Gadu o tii?
Di Bëibel ta piki di hakisi aki a PSALÖM 37:29 ku JESAAJA 65:21-23.
Kandë i lobi dee woto aki tu
ESSENTIAL BIBLE TEACHINGS
Andi da di Könuköndë u Gadu?
Di Jesosi bi ta du di diniwooko fëën, nöö a bi ta lei sëmbë soni u di Könuköndë u Gadu möön gaanfa. Sömëni höndöhöndö jaa kaa dee bakama fëën ta begi u di Könuköndë dë musu ko.
DI HEI WAKITIMAWOSU
Andi di Könuköndë u Gadu o du?
Jesosi bi sabi taa di Könuköndë u Gadu wanwan sa puu dee fuka u libisëmbë. Andi di Könuköndë du kaa, di ta mbei u dë seiki taa a o du dee soni dee a paamusi u?
AMBË DA U?
Faandi mbei u musu lei soni u Bëibel?
Di Bëibel ta piki dee möön fanöudu hakisi u milionmilion sëmbë a hii së u goonliba. I bi o kë dë wan u dee sëmbë aki sö tu ö?
