Pena ku fuka o kaba wan daka u?
I bi o piki . . .
-
aai ö?
-
nönö u?
-
kandë u?
DI BËIBEL TA TAKI TAA
„Gadu . . . o feki hiniwan u de wojowata puu. . . . Dëdë ku tjali ku kusumi an o dë a de dendu möön tu. Söseei sinkii hati an o dë möön seei.”—Akoalimbo 21:3, 4, Gadu Buku.
DEE WINI DEE I SA FENI
A sa mbei i dë seiki taa na Gadu hën ta mbei hogi ta miti u.—Jakobosi 1:13.
A sa da i kötöhati te i ko sabi taa Gadu ta booko hën hedi ku u te u ta tja pena ku fuka.—Sakalia 2:8.
I sa dë seiki taa pena ku fuka o kaba wan daka.—Psalöm 37:9-11.
U SA BIIBI TUUTUU ANDI DI BËIBEL TA TAKI Ö?
Aai, u tu soni hedi:
-
Gadu an lobi pena, fuka ku hogilibi. Luku fa Gadu bi ta fii te de bi ta du hogihati soni ku dee sëmbë fëën. Di Bëibel ta taki taa a bi ta tjali „te de bi ta du hogi ku de.”—Kuutuma 2:18.
Jehovah hati ta boonu ku sëmbë di ta du hogi ku wotowan. Kumafa a sikifi a di Bëibel, a ta buuse „sëmbë di ta kii wotowan di na du na wan hogi.”—Nöngö 6:16, 17.
-
Gadu ta booko hën hedi ku hibiwan fuu apaiti. Na libisëmbë nöö sabi „andi ta möön de nasö unfa de ta tja pena ku fuka”, ma Jehovah seei sabi ën tu!—2 Kloniki 6:29, 30.
Jehovah o mbei di Könuköndë fëën puu di pena ku di fuka di hii libisëmbë ta tja (Mateosi 6:9, 10). Ma nöunöu kaa a wan lobihati fasi a ta kötö di hati u dee sëmbë di ta suku ën tuutuu.—Tjabukama 17:27; 2 Kolenti 1:3, 4.
PAKISEI U DI SONI AKI
Faandi mbei Gadu ta da pasi taa libisëmbë ta tja pena ku fuka?
Di Bëibel ta piki di hakisi a LOOMË 5:12 ku 2 PETUISI 3:9.
Kandë i lobi dee woto aki tu
ESSENTIAL BIBLE TEACHINGS
Faandi mbei Gadu ta da pasi taa u ta tja pena ku sitaafu
Di Bëibel ta piki u unfa a du ko, nöö di soni dë ta da u kötöhati seei.
AMBË DA U?
Faandi mbei u musu lei soni u Bëibel?
Di Bëibel ta piki dee möön fanöudu hakisi u milionmilion sëmbë a hii së u goonliba. I bi o kë dë wan u dee sëmbë aki sö tu ö?
