Ambë ta tii di goonliba tuutuu?
I si kuma . . .
-
Gadu ö?
-
libisëmbë u?
-
didibi ö?
DI BËIBEL TA TAKI TAA
„Hii dee oto sëmbë u di goonliba aki tuu dë a didibi basu.”—1 Johanisi 5:19.
„Di Womi Mii u Masa Gadu ko a di goonliba aki faa poi dee wooko u di didibi.”—1 Johanisi 3:8, Gadu Buku.
DEE WINI DEE I SA FENI
Joo ko fusutan faandi mbei peipei fuka dë a goonliba.—Akoalimbo 12:12.
Joo ko fusutan taa di goonliba aki o tooka ko möön bunu.—1 Johanisi 2:17.
U SA BIIBI TUUTUU ANDI DI BËIBEL TA TAKI Ö?
Aai, u dii soni hedi:
-
Di tii u Saatan o booko kaba a sösö. Jehovah buta taa a o puu di tii di Saatan ta tii libisëmbë. A paamusi taa a o ’poi di didibi kaba a sösö’, hën da a o puu hii dee fuka dee Saatan bi tja ko.—Hebelejën 2:14, Gadu Buku.
-
Gadu buta Jesosi Keesitu u tii di goonliba. Jesosi tooka seei u di hogihati tiima u di goonliba aki di ta pakisei ënseei nöö. Gadu bi taki u di tii di Jesosi bi o tii taa: „A o abi tjalihati u dee möfina sëmbë ku dee pooti sëmbë. . . A o tjubi de libi, sö taa sëmbë an o sa peeta de möön, nasö du hogi ku de möön.”—Psalöm 72:13, 14.
-
Gadu an sa ganjan sëmbë. Di Bëibel ta taki gbelingbelin taa: ’Gadu an sa ganjan u’ (Hebelejën 6:18). Te Jehovah paamusi u du wan soni, nöö a dë kuma a du ën kaa! (Jesaaja 55:10, 11). „Di tiima u di goonliba aki o lasi ën kamian awaa.”—Johanisi 12:31, New World Translation.
PAKISEI U DI SONI AKI
Unfa di goonliba o ko dë te de puu di sëmbë di ta tii ën?
Di Bëibel ta piki di hakisi aki a PSALÖM 37:10, 11 ku AKOALIMBO 21:3, 4.
Kandë i lobi dee woto aki tu
ESSENTIAL BIBLE TEACHINGS
Faandi mbei Gadu ta da pasi taa u ta tja pena ku sitaafu
Di Bëibel ta piki u unfa a du ko, nöö di soni dë ta da u kötöhati seei.
SPECIAL CAMPAIGN
Faandi mbei u musu lei soni u Bëibel?
Di Bëibel ta piki dee möön fanöudu hakisi u milionmilion sëmbë a hii së u goonliba. I bi o kë dë wan u dee sëmbë aki sö tu ö?
AMBË DA U?
Hakisi u lei soni u Bëibel
I sa mbei sëmbë ko lei i soni u Bëibel söndö u paka a di ten ku di kamian di i kë.
