Di brochure Ambë ta du di kë u Jehovah a di ten aki?, da wan brochure di de mbei fuu ta lei dee studie fuu soni te u go u go lei de soni u Bëibel. I sa du ën a bigi nasö a kaba u di studie. * Woto 1 te go miti 4 ta heepi dee studie u ko sabi ambë da u, woto 5 te go miti 14 ta heepi de u de ko sabi dee soni dee u ta du, nöö woto 15 te go miti 28 ta lei de dee soni di di ölganisaasi fuu ta du. A möön bunu te u ta luku dee woto u di buku baka-na-baka, boiti ee wan studie kë taki u wan oto woto. Dee woto a langa, nöö a sa tei 5 nasö 10 miniti u taki u de ku so u dee studie.

• Mbei di sëmbë buta pakisei a di hakisi di dë di në u di woto

• Un sa lesi hii di woto wan pasi nasö un sa lesi ën pisipisi

• Un taki faandi un lesi. Wooko ku dee peentje ku dee hakisi dee dë a basu u di woto. I sa luku un tëkisi woon lesi, nöö un taki u de. Lei fa dee hedi pakisei dee sikifi möön baaka ta piki di hakisi di dë di në u di woto

• Ee wan pisi „Ko sabi möön soni” dë, nöö un lesi ën, nöö i da di studie fii degihati faa du dee soni dee sikifi a di pisi dë