25:1-12

Hii fa Jesosi bi taki taa di woto u dee teni wëndjë mujëë mii nama ku dee salufuwan, tökuseei a nama ku hii Keesitu sëmbë tu (w15 15/3 bld. 11-14). „Un dë seei kabakaba hiniwanten. Biga wan sabi di juu di mi o toona ko” (Mt 25:13). I sa konda andi di woto u Jesosi kë taki ö?

• Di womi di ta tööu (vers 1)​—Jesosi

• Dee köni wëndjë mujëë mii (vers 2)​—Dee salufu Keesitu sëmbë dee dë seekaseeka ta du di wooko u de ku hii de hati, söseei di ta tuwë faja limbo te dou di kaba (Fp 2:15)

• De bai taa: „Di womi ta ko e!”(vers 6)​—Dee soni dee ta lei taa Jesosi dou

• Dee don wëndjë mujëë mii (vers 8)​—Dee salufu Keesitu sëmbë dee nango miti di womi di o tööu, ma de an dë kabakaba ta wakiti, söseei de an ta hoi deseei nëën

• Dee köni wëndjë mujëë mii an bi kë paati di oli u de ku dee wotowan (vers 9)​—Baka te de o kisi di lasiti sitampu, nöö dee salufuwan dee bi hoi deseei a Jehovah an o sa heepi dee salufuwan dee an bi hoi deseei nëën, biga a o lati kaa

• „Di womi di o tööu dou” (vers 10)​—Te Jesosi o ko kuutu sëmbë a di pisiten te di gaan fuka dë u kaba

• Di dee köni wëndjë mujëë mii ku di womi di o tööu denda go a di kamian ka di tööu fesa ta hoi, hën di döö tapa (vers 10)​—Jesosi tei dee salufuwan dee hoi deseei a Gadu tja go a liba ala, ma dee salufuwan dee an hoi deseei a Gadu an feni di paka u go a liba ala