FAANDI MBEI A DË FANÖUDU: Te dee studie ta seeka deseei, nöö de o möön fusutan di soni di de ta lei, söseei de o sa hoi ën a hedi. Te de ta fusutan andi de ta lei, söseei te de ta hoi dee soni di de ta lei a hedi, nöö möönmöön de o go a fesi a di biibi. Baka te de dopu seei, a o dë u de ta seeka deseei da dee komakandi ku di peleikiwooko u de sa ’dë kabakaba hiniwanten’ (Mt 25:13). Fëën mbei te de saanfa u lei deseei soni, ku te de ta du ën hiniwan juu, nöö a o heepi de a di libi u de. Bigibigi kaa u musu heepi dee studie fuu u de ko abi di guwenti u ta seeka deseei te joo lei de soni u Bëibel.

FA U MUSU DU ËN:

• Di studie fii musu sa djeesi i (Lo 2:21). Seeka iseei ku hiniwan u dee studie fii a pakisei (km 11/15 bld. 5). Be a si fa i seeka iseei da di studie tu

• Dëën degihati faa ta seeka hënseei. Te joo bigi lei wan sëmbë soni u Bëibel, nöö piki ën taa di seeka di a musu ta seeka hënseei da wan pisi u di studie tu. Konda dëën tu un wini a o feni te a o ta seeka hënseei a fesi. Piki ën tu andi a sa du faa sa ta feni ten u ta seeka hënseei. So u dee baaa ku dee sisa ta da di studie di u de buku faa sa si un wini a ta feni te a ta seeka hënseei. Gafa ën te a seeka hënseei da di studie

• Lei ën unfa a musu seeka hënseei. So baaa ku sisa ta tei di ten di de bi o lei di sëmbë soni u Bëibel u lei ën unfa a sa ta seeka hënseei