1-7 u piki-deewei-liba
PSALÖM 23-25
Kanda 4 ku begi | Soni di di fesima o taki a bigi u di komakandi (1 min.)
1. „Jehovah da di Sikapuma u mi”
(10 min.)
Jehovah ta tii u, söseei a ta tjubi u (Ps 23:1-4; w22.01 bld. 3-4 pal. 5-6)
Jehovah ta sölugu u (Ps 23:5; w11-SR 1/5 bld. 31 pal. 5)
Leti kumafa wan sikapuma ta sölugu di sikapu fëën di a lobi, sö nöö Jehovah ta sölugu dee dinima fëën tu.
HAKISI ISEEI DI SONI AKI: ’Unfa Jehovah ta sölugu mi?’
2. Diki go möön fundu
(10 min.)
-
Ps 23:3—Andi a kë taki „u libi a wan leti fasi”, nöö andi sa heepi u fu wa bia baka da di libi dë? (w11-SR 15/2 bld. 24 pal. 1-3)
-
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Ps 23:1–24:10 (th woto 5)
4. Fasi fa i sa bigi fan ku wan sëmbë
(3 min.) TE I MITI WAN SËMBË A WAN KAMIAN. Lesi wan tëkisi u da wan sëmbë degihati di ta booko hën hedi ku fa soni ta waka a di pisiwata ka a ta libi. (lmd woto 2 pisi 5)
5. Gobaka
(4 min.) TE U GO PELEIKI A SËMBË PISI. Lei wan sëmbë di i da di brochure I sa dë waiwai u teego! unfa u ta lei sëmbë soni u Bëibel (lmd woto 9 pisi 3)
6. Heepi sëmbë u de ko dë bakama u Jesosi
(5 min.) lff woto 14 pisi 4 (lmd woto 11 pisi 3)
Kanda 54
7. Wa ta haika sëmbë di wa sabi
(15 min.) Takimakandi.
Wan tuutuu sikapu sabi di töngö u di sikapuma fëën, nöö a ta waka nëën baka. Ma te di sikapu jei di töngö u wan sëmbë di an sabi, nöö a ta kule go (Jo 10:5). Useei ta haika Jehovah ku Jesosi tu, dee sikapuma fuu dee lobi u, sösëëi dee dë u futoou (Ps 23:1; Jo 10:11). Ma wa ta haika sëmbë di wa sabi, dee ta pooba u mbei di biibi fuu ko suwaki u di de „ta mindi soni”.—2Pe 2:1, 3.
Kenesesi kapitë dii ta taki soni u di fosu pasi di sëmbë bi jei woto sëmbë töngö a goonliba aki, di de an bi sabi. Saatan bi ganjan Eva, u di a bi tjubi dëën ambë a dë tuutuu di a ko fan ku ën. Saatan bi du kuma hën da wan mati u Eva, hën a mindi soni da Jehovah. A tjali taa Eva bi haika Saatan, nöö di soni dë bi tja pena ku fuka ko da hën ku dee sëmbë fëën.
A di ten aki, Saatan ta mindi soni da Jehovah ku di ölganisaasi fëën tu, u di a ta konda mindimindi woto fu wa futoou de möön. Te u jei di töngö u wan sëmbë di wa sabi, nöö wantewante u musu kule go! Ee u bi o haika wan sëmbë di wa sabi, aluwasi kölö sö seei, nöö di soni dë tjika kaa u hogi miti u. Di Saatan ku Eva bi fan, a bi taki hia soni ufö a bi ganjan Eva u? (Ke 3:1, 4, 5). Andi u musu du ee wan sëmbë di u sabi, di lobi u, söseei di kë bunu fuu ta taki hogi u di ölganisaasi u Jehovah?
Pëë di FËLÖN Na haika „sëmbë di ja sabi.” Baka di dë, nöö buta di hakisi aki da dee haikama:
Andi i lei u di fasi fa Djeit bi du soni di hën mama di an ta dini Jehovah bi bigi ta konda mindimindi woto u di ölganisaasi u Jehovah?
8. Kemeente Bëibel-lei
(30 min.) bt-SR woto 8 pal. 1-4, ku dee pisi a bld. 69-70
