29 u piki-deewei-liba–5 u sebitaa-liba
PSALÖM 34-35
Kanda 10 ku begi | Soni di di fesima o taki a bigi u di komakandi (1 min.)
1. „I musu ta gafa Jehovah hii juu”
(10 min.)
Dafiti bi ta gafa Jehovah, hii fa a bi abi hia bookohedi (Ps 34:1; w07-SR 1/3 bld. 22 pal. 11)
Dafiti an bi ta njan buka, ma a bi ta djula da Jehovah (Ps 34:2-4; w07-SR 1/3 bld. 23 pal. 13)
Di fasi fa Dafiti bi ta gafa Jehovah bi da dee woto sëmbë dee bi ta waka ku ën taanga (Ps 34:5; w07-SR 1/3 bld. 23 pal. 15)
Baka di Dafiti bi go disa Abimeileki, hën 400 womi bi go miti Dafiti a di sabana, u di di fasi fa Könu Saulosu bi taa tii an bi ta kai ku de (1Sa 22:1, 2). A kan taa Dafiti bi ta pakisei dee womi aki di a bi ta sikifi Psalöm kapitë 34.
HAKISI ISEEI DI SONI AKI: ’Unfa mi sa gafa Jehovah, te mi o fan ku wan sëmbë a di woto komakandi di ta ko?’
2. Diki go möön fundu
(10 min.)
-
Ps 35:11—Andi bi pasa a di ten u Jesosi, kumafa di tëkisi aki bi taki a fesi? (w11-SR 15/8 bld. 14 pal. 9)
-
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Ps 34:1-22 (th woto 5)
4. Fasi fa i sa bigi fan ku wan sëmbë
(2 min.) TE I MITI WAN SËMBË A WAN KAMIAN. Di sëmbë di i ku ën bi ta fan go söndö i feni pasi peleiki dëën. (lmd woto 1 pisi 4)
5. Gobaka
(4 min.) TE I MITI WAN SËMBË A WAN KAMIAN. (lmd woto 2 pisi 4)
6. Konda andi i ta biibi da wotowan
(5 min.) Wan demo. lff woto 44 pisi 1-3—Në: Unfa Jehovah Kotoigi ta du sabi na un ten wan piizii daka bunu u hoi nasö an bunu u hoi? (th woto 17)
Kanda 59
7. Dii fasi fa u sa gafa Jehovah a dee komakandi
(15 min.) Takimakandi.
A dee komakandi u ta feni di okasi u gafa Jehovah. Luku dii fasi fa u sa du ën.
Fan ku sëmbë: Taki u dee bunu soni dee Jehovah ta du te i ta fan ku wotowan (Ps 145:1, 7). I bi jei nasö i bi lesi wan apaiti soni di bi da i degihati ö? Soni bi waka bunu da i a di peleikiwooko di i bi fan ku wan sëmbë u? Wan sëmbë bi taki wan soni da i nasö du wan soni da i di bi da i taanga u? I bi luku wan soni di Jehovah mbei di i lobi seei ö? Hii dee soni aki tuu da kado di Jehovah da u (Jak 1:17). Mbei möiti fii dou fuuku a dee komakandi fii sa feni ten u fan ku wotowan.
Dee piki fuu: Mbei möiti u ta da aluwasi wan piki seei a hiniwan komakandi (Ps 26:12). I sa da piki a di soni di de hakisi, nasö i sa taki u wan woto soni di nama ku di woto di u ta luku, nasö u wan tëkisi, nasö u di peentje, nasö i sa taki unfa u sa du di soni di u lei dë. A sa pasa taa i ku wan woto sëmbë hopo maun a di wan seei ten, fëën mbei seeka möön hia piki. Hoi a pakisei taa möön hia sëmbë sa gafa Gadu ee di piki fii dë 30 sekönde, nasö möön biti seei.—Heb 13:15.
Dee kanda fuu: I musu ta kanda dee Könuköndë kanda fuu ku hii i hati (Ps 147:1). Ee i dë a wan gaan kemeente, nöö a sa pasa taa ja ta feni piki a hiniwan komakandi, ma tökuseei i sa ta kanda hii juu. Aluwasi i ta si kuma ja sa’ u kanda bunu, tökuseei i sa dë seiki taa Jehovah ta wai ku i, u di i ta mbei möiti u kanda gafëën! (2Ko 8:12) I sa ta kanda dee kanda a wosu te i ta seeka da komakandi.
Pëë di FËLÖN Di ölganisaasi u Jehovah nango a fesi—Kanda da wan kado, Pisi 1. Baka di dë, nöö buta di hakisi aki da dee haikama:
Unfa a dë u si sensi a di bigi u di ölganisaasi fuu u di ten aki, taa di kanda di u ta kanda u gafa Jehovah da wan fanöudu soni?
8. Kemeente Bëibel-lei
(30 min.) bt-SR woto 9 pal. 1-7, ku dee soni dee woo lei a pisi 3 ku di pisi a bld. 78
