8-14 u jailiba
JÖPU 34-35
Kanda 30 ku begi | Soni di di fesima o taki a bigi u di komakandi (1 min.)
1. Te hogi ta miti bunuhati sëmbë
(10 min.)
Hoi a pakisei taa na Jehovah hën ta mbei hogi soni ta miti u (Jöpu 34:10; wp19.1 bld. 8 pal. 2)
A sa djei kuma dee hogihati sëmbë an ta feni di sitaafu di de musu kisi u dee hogi soni di de ta du; ma hii fa a ta djei sö, Jehovah ta si hii dee soni di de ta du (Jöpu 34:21-26; w17.04 bld. 10 pal. 5)
Di möön bunu fasi fa u sa heepi dee sëmbë di wotowan libi hogi ku de, hën da te u ta lei de soni u Jehovah (Jöpu 35:9, 10; Mt 28:19, 20; w21.05 bld. 7 pal. 19-20)
2. Diki go möön fundu
(10 min.)
-
Jöpu 35:7—Andi Elihu bi kë taki di a bi hakisi Jöpu taa: „I bi da Gadu wan soni ö?” (w17.04 bld. 29 pal. 3)
-
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Jöpu 35:1-16 (th woto 10)
4. Fasi fa i sa bigi fan ku wan sëmbë
(3 min.) TE U GO PELEIKI A SËMBË PISI. Hakisi di sëmbë ee a kë lei soni u Bëibel. (lmd woto 10 pisi 3)
5. Fasi fa i sa bigi fan ku wan sëmbë
(4 min.) TE I MITI WAN SËMBË A WAN KAMIAN. Lei wan sëmbë di abi mii unfa a sa feni soni a jw.org u heepi dee mii fëën. (lmd woto 1 pisi 4)
6. Heepi sëmbë u de ko dë bakama u Jesosi
(5 min.) lff woto 13 pisi 5 (lmd woto 11 pisi 3)
Kanda 58
7. I dë kabakaba u ’konda di buka u Gadu’ da hiniwan sëmbë di i miti ö?
(15 min.) Takimakandi.
Paulosu bi piki Timoteo taa: ’I musu ta konda di buka u Gadu da sëmbë, nöö ta du ën fajafaja.’ (2Ti 4:2) So juu, de bi ta wooko ku di Giiki wöutu di de puu ko „ta du ën fajafaja”, u lei fa wan sodati nasö wan wakitima bi ta dë setiseti hii juu a di wooko fëën, sö taa a bi sa du wan soni wantewante ee wan soni bi ko pasa. Di soni aki ta lei u taa u musu ta dë setiseti hii juu fuu sa peleiki da sëmbë te u feni di okasi u du ën.
Di lobi di u lobi Jehovah ku di tei di u ta tei dee soni dee a ta du da u u bigi, ta da u taanga fuu konda soni u dee fasi fëën da woto sëmbë.
Lesi Psalöm 71:8. Baka di dë, buta di hakisi aki da dee haikama:
Andi u Jehovah i bi o kë konda da woto sëmbë?
Di lobi di useei lobi sëmbë tu, ta da u taanga fuu peleiki da de, aluwasi ka u miti de.
Pëë di FËLÖN Höndöhöndö sëmbë feni di tuutuu lei. Baka di dë, buta dee hakisi aki da dee haikama:
-
Unfa di peleiki di de bi ta peleiki da hiniwan sëmbë di de bi miti, bi mbei taa höndöhöndö sëmbë bi ko sabi di tuutuu lei u Bëibel?
-
Unfa dee sëmbë aki dee bi nango a woto keiki fosu, bi feni wini di de ko sabi soni u di tuutuu lei?
-
Faandi mbei di lobi di u lobi sëmbë ta da u taanga fuu peleiki da sëmbë aluwasi ka u miti de?
-
Faandi mbei di peleiki di u ta peleiki da hiniwan sëmbë di u miti, da wan bunu fasi di ta heepi sëmbë u de ko sabi soni u Jehovah?
8. Kemeente Bëibel-lei
(30 min.) bt-SR woto 4 di pisi a bld. 33
