DI LIBI FUU KUMA KEESITU SËMBË
Ee wan mii hën ko jabi di döö
Ee wan mii hën ko jabi di döö, nöö u musu hakisi ën faa kai dee gaan sëmbë fëën fuu sa fan ku de. Te u du sö, nöö woo lei taa u ta lesipeki dee gaan sëmbë u di mii, u di de ta tei fesi a di wosu (Nön 6:20). Ee di mii ta kai u fuu ko a wosu, nöö wa musu go. Ee dee gaan sëmbë fëën an sa ko fan ku u, nöö u musu toona go luku de wan woto pasi.
Ee di mii dë gaangaan mii seei, kandë abi 15 jaa te go miti 19 jaa, tökuseei a bi o bunu fuu hakisi baka u dee gaan sëmbë fëën. Ee dee gaan sëmbë fëën an dë a wosu, nöö u sa hakisi ën ee de ta dëën pasi faa lesi hiniwan buku di a kë lesi. Ee a taa aai, nöö u sa dëën wan buku faa lesi, söseei u sa lei ën di website fuu jw.org.
Ee u toona go luku wan njönkuwan di kë sabi möön soni u Bëibel, nöö u musu mbei möiti fuu miti dee gaan sëmbë fëën. Di soni aki o da u pasi fuu konda da de faandi mbei u ko luku di mii u de, söseei fuu lei de un bunu lai di Bëibel ta da dee sëmbë u wan wosudendu (Ps 119:86, 138). Di lei di woo lei taa u ta lesipeki dee gaan sëmbë u di mii, söseei taa u ta hoi de a pakisei, o mbei de si taa u da tuutuu bakama u Keesitu, nöö di soni dë sa mbei u feni okasi u konda di bunu buka da de.