Di du di sëmbë ta du ku u sa mbei u ta tjali, söseei a sa mbei u fii bookosaka. Ee u ta fëëë pasa maaka te sëmbë ta du ku u u di biibi fuu hedi, nöö di soni dë sa mbei u ku Jehovah an dë mati möön. Andi ku andi u sa du te wan sëmbë ta du ku u?

U di sömëni dinima u Jehovah bi ta futoou ën taa a o heepi de, mbei de bi sa dini ën go dou, hii fa sëmbë bi ta du ku de (Ps 18:17). Te u luku di woto u Ësitë, nöö a bi piki di könu andi di hogihati womi Haman bi kë du (Ëst 7:1-6). Ma ufö a bi piki di könu, hën a bi dë sömëni daka longi söndö njan, u di a bi ta futoou Jehovah taa a bi o heepi ën (Ëst 4:14-16). Jehovah bi mbei hii dee soni dee a bi du waka bunu, söseei a bi tjubi hën ku dee sëmbë fëën.

Ee wan sëmbë ta du ku i leti kumafa a bi pasa ku Ësitë, nöo hakisi Jehovah faa heepi i, söseei konda di fuka fii da wan sëmbë di taanga a di biibi A sa dë i mama nasö i tata. I sa dë seiki taa Jehovah o heepi i leti kumafa a bi heepi Ësitë. Andi da woto soni di i sa du te wan sëmbë ta du ku i?

LUKU DI FËLÖN DI MI BI MÖÖN NJÖNKU—ANDI MI SA DU TE WOTOWAN TA DU KU MI? NÖÖ BAKA DI DË, PIKI DEE HAKISI AKI:

• Andi dee njönkuwan sa lei u Charlie ku Ferin?

  Di piki fii

• Andi dee mama ku dee tata sa lei a dee soni di Charlie ku Ferin taki, te de musu heepi dee mii u de te sëmbë ta du ku de?

  Di piki fii