DI LIBI FUU KUMA KEESITU SËMBË
Dee sikapuma ta wooko taanga u soni sa waka bunu da dee sëmbë u Jehovah
Sömëni sëmbë an ta futoou dee sëmbë dee abi makiti. Faandi mbei? U di sömëni jaa kaa u ta si taa sëmbë di abi makiti ta wooko ku di makiti u de u tja wini ko da deseei (Mik 7:3). U ta tei ën u bigi seei taa dee gaanwomi u dee kemeente kisi lei, u sabi unfa de musu wooko ku di makiti u de, u soni sa waka bunu da dee sëmbë u Jehovah.—Ëst 10:3; Mt 20:25, 26.
Dee gaanwomi dee ta tei fesi tooka seei ku dee sëmbë u di goonliba aki di abi makiti. De ta du di wooko u de u di de lobi Jehovah ku dee sëmbë fëën (Jo 21:16; 1Pe 5:1-3). Dee sikapuma aki di Jesosi ta tii, ta heepi hiniwan peleikima u de fii taa de dë sëmbë u di wosudendu u Jehovah, söseei u de dë zuntu ku ën. De dë kabakaba u heepi dee sikapu u Jehovah u de abi wan taanga biibi, söseei u heepi de ku data soni nasö te wan hogi pasa. Ee i abi heepi fanöudu, nöö fan ku wan u dee gaanwomi u di kemeente ka i de—Jak 5:13.
LUKU DI FËLÖN DEE SIKAPUMA DEE TA LUKU DEE SIKAPU, NÖÖ BAKA DI DË, PIKI DEE HAKISI AKI:
-
Un wini Mariana bi feni u di dee gaanwomi bi heepi ën?
-
Un wini Elias bi feni u di dee gaanwomi bi heepi ën?
-
Unfa dee woto u dee sëmbë aki ta mbei i si di wooko di dee gaanwomi ta du?
