7-13 u tinimu-liba
PSALÖM 92-95
Kanda 84 ku begi | Soni di di fesima o taki a bigi u di komakandi (1 min.)
1. Di dini di i ta dini Jehovah da di möön bunu soni a di libi!
(10 min.)
Jehovah hën u musu dini (Ps 92:1, 4; w18.04 bld. 28 pal. 5)
Jehovah ta lei dee sëmbë fëën unfa dë musu libi u de sa ta dë waiwai (Ps 92:5; w18.11 bld. 23 pal. 8)
Jehovah ta kai dee sëmbë dee ta dini ën gaan soni, aluwasi de ko gaandi seei (Ps 92:12-15; w20.01 bld. 19 pal. 18)
HAKISI ISEEI DI SONI AKI: ’Andi ta tapa mi u mi buta mi libi a Jehovah maun, nöö mi dopu?’
2. Diki go möön fundu
(10 min.)
-
Ps 92:5—Unfa di tëkisi aki ta lei u unfa Jehovah köni tjika? (cl-SR bld. 176 pal. 18)
-
Andi i lei a di lesipisi u Bëibel u di wiki aki?
3. Lesipisi u Bëibel
(4 min.) Ps 94:1-23 (th woto 5)
4. Fasi fa i sa bigi fan ku wan sëmbë
(4 min.) TE I MITI WAN SËMBË A WAN KAMIAN. Te i ta fan ku di sëmbë, nöö suku wan fasi u konda soni dëën u di wooko di i ta du u lei sëmbë soni u Bëibel (lmd woto 5 pisi 3)
5. Gobaka
(3 min.) TE I MITI WAN SËMBË A WAN KAMIAN. Hakisi wan sëmbë di bi kë sabi möön soni, ma di an bi kë fuu lei ën soni u Bëibel a di ten di pasa, ee a kë lei soni u Bëibel. (lmd woto 8 pisi 4)
6. Heepi sëmbë u de ko dë bakama u Jesosi
(5 min.) Fan ku wan sëmbë di i ta lei soni u Bëibel di an nango a fesi. (lmd woto 12 pisi 5)
Kanda 5
7. Te dee njönkuwan dë ku bookohedi di ta möön de
(15 min.) Takimakandi.
Dee sëmbë dee ta dini Jehovah seei ta abi bookohedi tu. Dafiti bi miti sömëni bookohedi nëën libi, nöö di wan seei soni ta miti sömëni baaa ku sisa fuu a di ten aki (Ps 13:2; 139:23). Dee njönkuwan seei ta dë ku bookohedi tu. Sö juu, dee bookohedi di de ta abi, sa mbei a ta taanga da de u go a siköö nasö u go a dee komakandi. Di soni aki sa mbei taa de sa ko ta dë fëëëfëëë nasö a sa mbei de ko ta pakisei u kii deseei.
Un dee njönkuwan, ee un dë ku wan bookohedi di ta möön unu, nöö un fan ku dee gaansëmbë fuunu nasö ku wan sëmbë di bigi möön unu, di abi öndöfeni. Böiti di dë, wan musu fëëkëtë u hakisi Jehovah faa heepi unu tu (Fp 4:6). A o heepi unu (Ps 94:17-19; Jes 41:10). Luku di woto u Steing.
Pëë di FËLÖN Jehovah ta booko hën hedi ku mi. Baka di dë, buta dee hakisi aki da dee haikama:
• Un Bëibel tekisi bi heepi Steing, nöö faandi mbei a bi heepi ën?
• Unfa Jehovah bi heepi ën?
Un dee mama ku dee tata, un sa heepi dee mii fuunu te de abi bookohedi, te un ta haika de ku pasensi, te un ta lei taa un lobi de, söseei te un ta heepi de u de ko abi di biibi taa Jehovah lobi de (Tit 2:4; Jak 1:19). Un buta hii unu futööu a Jehovah taa a o da unu di kötöhati ku di taanga di un abi fanöudu fuun heepi dee mii fuunu.
Wa o sa sabi na un ten wan sëmbë a di kemeente o dë ku gaan bookohedi, nasö kandë wa o sa sabi unfa wan sëmbë ta fii. Ma tökuseei, woo sa heepi de, ee hii sëmbë a di kemeente ta fii taa u lobi de.—Nön 12:25; Heb 10:24.
8. Kemeente Bëibel-lei
(30 min.) bt-SR woto 16 pal. 6-9 ku di pisi a bld. 150
